Soraw hám tapsırmalar
Maǵlıwmatlar bazası degenimiz ne?
Maǵlıwmatlar bazasın basqarıw sistemalarına missal keltiriń?
Access programması haqqında maǵlıwmat beriń?
Access programması menyuları haqqında aytıp beriń?
Access programmasında keste jaratıw usılların túsindiriń?
Access programmasında fayllar qanday formatta saqlanadı?
Microsoft Access programmasınıń tiykarǵı obiektleri
Reje:
Maǵlıwmatlardı saqlaw-kompyuterdiń áhmiyetli funkciyalarınıń biri bolıp esaplanadı. Maǵliwmatlardı saqlawdıń keń tarqalǵan túriniń biri maǵlıwmatlar bazası bolıp esaplanadı. Maǵlıwmatlar bazası bul arnawli formattaǵı fayl bolıp, ózinde strukturalanǵan maǵlıwmatlardı saqlaydı.
Informaciyalıq texnologiyalar dáwirinde maǵlıwmatlar bazası ayırıqsha rol oynaydı. Kúndelikli turmıstıń qaysı tarawına qaramayıq insanlar kerekli maǵlıwmatlardı alıw ushın maǵlıwmatlar bazasına múráját etiwge májbúr boladı.
Informaciyalıq texnologiyalardıń tez rawajlanıwı hám informaciyalardıń kóbeyiwi, tez ózgeriwi adamzattı bul maǵlıwmatlardı óz waqtında qayta islew ilajların qıdırıp tabıwǵa iytermeleydi. Maǵlıwmatlardı saqlaw, qayta islew hám uzatıw ushın maǵlıwmatlar bazasın jaratıw, soń usı maǵlıwmatlar bazasınan keń paydalanıw búgingi kúnde áhmiyetli bolıp qalmaqta.
Microsoft Access programmasınıń tiykarǵı obiektleri:
Kesteler (Таблицы)
Sorawlar (Запросы)
Formalar (Формы)
Esabatlar (Отчёты)
Makroslar (Макросы)
Modullar(Модули)
Kesteler (Таблицы) – MB niń tiykarǵı obiekti. Kestelerde maǵlıwmatlar saqlanadı;
Sorawlar (Запросы) – bul obiekt maǵliwmatlarǵa islew beriw, mısalı olardı saralaw, tártiplew, filtrlew, ajıratıw, birlestiriw, ózgertiw wazıypaların orınlaw ushın arnalǵan.
Formalar (Формы) – maǵlıwmatlardı tartipli túrde ańsat kiritiw yaki kiritilgenlerdi kórip shıǵıw imkaniyatın beredi.
Esabatlar (Отчеты) –bul obiekt járdeminde saralanǵan maǵlıwmatlar qolay ha’m kórgizbeli túrde qaǵazda baspaǵa shıǵarıladı. Esabat blanka kórinisinde boladı.
Makroslar (Макросы) – makrokomandalardan ibarat obiekt. Quramalı hám tez-tez múrájet qılınatın ámellerdi bir makrosqa jámlep, oǵan ajıratılǵan tuymeshe belgilenedi hám ol ámellerdi orınlaw ornına sol túyme basıladı. Ámeller orınlaw tezligi asadı.
Modullar (Модули) – Access programmasınıń imkaniyatın asırıw maqsetinde Visual Basic tilinde jazılǵan programmalardı óz ishine alıwshı obiekt.
Accesste kesteler jaratıw ushın Создание bóliminen paydalanıladı. Bul jerde keste hám konstruktor rejiminiń biri tańlanadı.
«Конструктор» rejimi – bunda maydanlardıń atı, olardıń túrleri hám qásiyetleri parametrlerin kiritiw múmkin bolǵan dialog aynası payda boladı
«Конструктор» aynası úsh baǵanadan ibarat;
«Имя поля» - kestedegi maydan atları kiritiledi;
«Тип данных» - kiritiletuǵın maǵlıwmatlar tipi tańlanadı;
«Описание» - maydan haqqında qısqasha maǵlıwmat kiritiledi.
Keste rejiminde MS Access maǵlıwmatlardı kiritiw kerek bolǵan baǵana hám qatar kórinisindegi bos kesteni ashıp beredi. Birinshi maydan «Код» formal atamasına iye. Maydan tipleri kiritilip atırġan maǵlıwmatlar tiykarında anıqlanadı. Keste strukturası maǵlıwmatlardı kiritiw arqalı jaratıladı.
Kestege kiritilden maǵlıwmatlardan kereklerin tańlap alıw ushın Accesste sorawlar obiektinen paydalanıladı. Bul obiekt kestelerdegi maǵlıwmatlardı kóriw, analizlew hám ózgertiw arqalı berilgen talaplardı orınlaw ushın arnalǵan. Tańlaw shártlerin qanaatlandırıwshı maǵlıwmatlar bir yamasa birneshe kestelerden hám aldın payda qılınǵan sorawlardan tańlanadı hám keste kórinisinde payda boladı.
Do'stlaringiz bilan baham: |