Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

2. Mashinalı qurıw. Mashinanı intellekt boyınsha izertlewlerden obrazlardı tańlap alıw máselesine áhmiyetli itibar beriledi. Robototexnikada kózge kórinetuǵın obrazlardı tańlap alıw usılı kóbirek rawajlanǵan. Bul usıllardı ámelge asırıwǵa qaratılǵan algoritmler, mashinanı yamasa texnikalıq qurıw sistemasınıń tiykarǵı bólegi bolıp tabıladı. Olar ushın hár túrli optikalıq sistemalar, videokamera hám basqalar informaciya deregi bolıp tabıladı. Texnikalıq qurıw sisteması tárepinen sheshiletuǵın wazıypalardı eki toparǵa ajıratıw múmkin. Bular:
A) Inspekciya. Inspekciyanıń tiykarǵı wazıypası ob’ektlerdıń bar ekenligin tekseriw, defektlerdi anıqlaw hám basqalardan ibarat.
V) Identifikaciya. Identifikaciyanıń texnik wazıypasıbelgili bir ob’ektlerdiń poziciyasın anıklaw, bólek ob’ektlerdiń bir-birine jaqınlasıp – jasırınıp atırǵan jaǵdaylarda olardı ajıratıw, bir-biri uqsas bolǵan ob’ektlerdi anıqlaw h.t.b.lardan ibarat. Texnik qadaǵalaw operaciyalardı islep shıǵıwda kiymatı ortasha, ónimniń ulıwmalıq qiymatınıń 10 % in quraydı.
Sonıń ushın inspekcion texnik qurıw sistemasın jaratıwǵa úlken itibar qaratıladı. Shama menen texnik qurıw sistemalarınıń 30% ob’ektlerdiń identifikaciyası ushın qaratıladı. Texnik qurıw sistemasınıń joqarı dárejeli integraciyalı robotlardıń quramına kirgen jaǵdaylarda, olar detallar toplawda, payvandlawdıń pozitirovkasın basqarıwda informaciya deregi sıpatında paydalanıladı.
Keyingi jıllarda mashinalı quriw tarawında quramalı saxnalardı tanıp alıw hám “Túsiniw boyınsha” hawada erkin ornalasqan úsh ólshemli kóplegen ob’ektlerdi de qosqanda, izertlewler jedel rawajlanbaqta. Tanıp alıwǵa sayalardıń ornalasıw hám konfiguraciyası, polutonlar, ob’ekttiń teketurlı ózgeshelikleri haqqındaǵı informaciyalardan paydalanıladı. Bunnanda basqa robototexnik sistemalarda onıń basqa da túrleri de paydalanıladı: taktil’ (jaqınlasıw haqqında), proksimit (aralıq haqqında), pozicion (ornalasıw haqqında), kúsh hám momentli.
Arnawlı islep shıǵılǵan datchikler informaciya deregi bolıp tabıladı: aralıqtı ólsheytuǵın, sayanı ólsheytuǵın, ul’tradawıslı lokatorlar. Bunday sistemalarda, yaǵnıy robotlardıń sırtqı jaǵdayı modulin yamasa onıń ishki jaǵdayın kóretuǵın modeller kayta islenedi. Bunday sistemalarınıń ayırımları tekǵana ólshew tábiyatına iye, basqaları obrazlardı tanıp alıwdıń rawajlanǵan qurallarınan paydalanadı.