Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Soraw hám tapsırmalar.
1.PHP diń qaysı standart funkciyası MySQL maǵlıwmatlar bazasına jalǵanıw ushın arnalǵan?
2.PHP diń qaysı funkciyası MySQL maǵlıwmatlar bazası menen baylanıstı úzedi?
3.MySQL MBBS nıń basqa web ke baǵdarlanǵan sistemalardan ózgesheliklerin túsindirip beriń.
4.Apache web-serveri tuwralı maǵlıwmat beriń.
5.PHP sazlamalarınan qosımsha sazlamalarına mısallar keltiriń.
6.PHP diń islep turǵanlıǵın tekserip kóriw ushın neler isleniw kerek?

VIII BAP. MAǴLIWMATLAR BAZASINIŃ QOSIMSHA IMKANIYATLARI
Maǵlıwmatlar bazalarında makroslardan paydalanıw
Access óziniń quramında ayırım ápiwayı ámellerdi orınlawǵa imkan beriwshi makrokomandalar toplamına iye, máselen Открыть – Ashıw (kesteni, formanı, esabattı) makrokomandası.
Makros bul bazı bir ámellerdiń izbe-iz orınlanıwın avtomatlastırıwshı makrokomandalar toplamı esaplanadı.
Microsoft Accesste makros jaratıw ushın Создание vkladkasında Макросы и код toparında Макрос ásbabın tańlaw zárúr. Nátiyjede makrosqa makrokomandalardı qosıwshı makroslar konstruktorınıń blankası payda boladı (1-súwret).

1-súwret. Makroslar konstruktorınıń blankası.
Ápiwayı makros jaratıwdı kórip shıǵamız. Jaratpaqshı bolǵan makrostıń wazıypası xabarlandırıw dialog aynasın shaqırıw. Aynanıń oń tárepinde makrokomandalar katalogi jaylasqan. Usı katalogtan Макрокоманды diziminen Команды интерфейса пользователя komandalar toplamınan Окно сообщения makrokomandası ústinde tıshqanshanıń shep túymesin eki ret basıń. Nátiyjede Окно сообщения makrokomandasınıń paramtrleri payda boladı (2-súwret).

2-súwret. Окно сообщения makrokomandasınıń paramtrleri.
Сообщение maydanshasında xabarlandırıw tekstin kiritemiz. Máselen “Bul xabarlandırıwshı ayna”. Сигнал maydanshasında Да parametrin tańlaymız, bunıń nátiyjesinde jaratıp atırǵan aynamız ashılıw aldında ózine sáykes keliwshi ses shıǵaradı. Тип maydanshasında Информационное parametrin tańlaymız. Bul parametr tańlanǵanda jaratılıp atırǵan dialog aynamız xabarlandırıw qásiyetine iye ekenligin bildiredi. Заголовок maydanshasında dialog aynanıń atamasın kiritiw kerek. Máselen, “Dialog ayna”. Окно сообщения makrokomandası parametrleriniń juwmaqlawshı kórinisi tómendegishe boladı (3-súwret).