Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Fayl-server. Usı koncepciyada tarmaqtan kiriw huqıqına iye bolǵan maǵlıwmatlar bazası sisteması arxitekturası oraylasqan EEM (fayllar serveri) sıpatında tarmaq komp’yuterlerden birewin ajıratıp kórsetiw názerde tutılǵan. Bunday komp’yuterde ulıwma paydalanıwǵa mólsherlengen oraylasqan maǵlıwmatlar bazası saqlanadı. Tarmaqtaǵı basqa hámmme komp’yuterler isshi stanciyaları funkciyasın orınlaydı. Olardıń járdemi menen paydalanıwshı sistemadan oraylasqan maǵlıwmatlar bazasın kiriw támiynlenedi. Maǵlıwmatlar bazası faylları paydalanıwshı sorawlarına sáykes túrde jumıs stanciyalarına jiberiledi. Maǵlıwmatlardı qayta islew tiykarınan jumıs stanciyalarında ámelge asırıladı. Maǵlıwmatlar bazasına kiriw intensivligi úlken bolǵanda informaciya sistemasınıń ónimdarlıǵı páseyedi. Paydalanıwshılar jumıs stanciyalarında lokal maǵlıwmatlar bazasın jaratılıwlar hám olardan jeke tártipte paydalanıwıda múmkin.
Klient-server. Bul koncepciyada, oraylasqan maǵlıwmatlar bazası arnawlı komp’yuterde (Maǵlıwmatlar bazası serverinde) saqlanıwı menen birge, maǵlıwmatlardı qayta islew máseleleriniń tiykarǵı bólimi orınlanıwın támiynlew zárúr.
Klient (jumıs stanciyası) tárepinen maǵlıwmatlarǵa berilgen soraw serverdegi maǵlıwmatlardı qıdırıw hám tabıwǵa alıp keledi. Alınǵan maǵlıwmatlar (biraq fayllar emes) tarmaq boyınsha serverden klientge uzatıladı. Klient-server arxitekturasınıń ózine sáykes qásiyetleriniń biri SQL sorawlar tilinen paydalanıw esaplanadı.
Kóp paydalpnıwshı maǵlıwmat bazaları shólkem hám kárxanalar informaciyalar resursları esaplanadı. Sonıń menen birge bunday resurslardan paydalanıw bir qansha mashqalalardı keltirip shıǵaradı. Birinshiden, bunday maǵlıwmat bazasın islep shıǵıw hám jobalastırıw quramalı, sebebi bunda kóp sandaǵı paydalanıwshılardı esapqa alıw kerek.
MB shólkemlestiriw áhmiyetli komponenti bolıp xızmet qıladı. Sonıń menen birge operacion sistemanı jetlistiriw hám programmalıq támiynleniwdiń jańa túrleriniń payda bolıwı maǵlıwmat bazasın jetlistiriwdi talap etedi. Bul bólimniń tiykarǵı wazıypası maǵlıwmat bazası hám onı isletetuǵın qosımshanı jaratıw, isletiw hám maǵlıwmat bazasına xızmet kórsetiwdi ámelge asırıwdan ibarat. Sonnan:

• 
  Maǵlıwmatlar baza strukturasın basqarıw;
  
• 
  Parallel qayta islewdi basqarıw;
  
• 
  Qayta islew boyınsha huquq hám wazıypalardı belgilew
  
• 
  Maǵlıwmat bazası qáwipsizligin támiynlew h.t.b
  

MB áhmiyetli korporativ resurs esaplanadı, sonıń ushın onı qorǵaw úlken áhmiyetge iye. MB tómendegi qáwipler bar:

• 
  Maǵlıwmatlar urlaw hám almastırıw
  
• 
  Maǵlıwmatlar sırlıǵın saqlaw (sırdı ashpaw);
  
• 
  Maǵlıwmatlar bazasınıń bir pútinligin saqlaw;
  
• 
  Maǵlıwmatlar bazasına múrájáát etiwden ayırılıp qalıw.