Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Úsh zvenolı (kóp zvenolı) «klient–server» arxitektura. Úsh zvenolı (kóp zvenolı) arxitektura (N-tier yaki multi-tier) «klient-server» texnologiyasınıń rawajlanǵan hám jetilistirilgen kórinisn ańlatadı. «Klient-server» arxitekturası eki zvenodan payda etilgen: birinshi zveno – klient programması, ekinshi zveno – maǵlıwmatlar bazasınıń serveri + maǵlıwmatlar bazasınıń ózi degen juwmaqqa kelinedi. Úsh zvenolı arxitektura bul pútinley biznes-logika, aldın klient programması bolǵan zveno ayırıqsha qosımshalar zvenosına kiritiledi. Bunda klient programması sıpatında tek paydalanıwshı interfeysi qaladı. Onda klient qosımshası sıpatında Web-brawzer qollanıladı.
Úsh zvenolı arxitekturadan paydalanǵanda qanday ózgeris júz beredi? Onda endi biznes-logika ózgergende klient programmaların ózgertiw hám barlıq paydalanıwshılarda onı jańalaw zárúr emes. Bunnan tısqarı paydalanıwshı kompyuteriniń apparaturasına bolǵan bolǵan talap keskin páseyedi.
Úsh zvenolı arxitekturanıń islew tártibi tómendegishe quralǵan:

• 
  Maǵlıwmatlar bazası fayllar toplamı kórinisinde arnawlı ajıratılǵan kompyuterdiń (tarmaq serveri) qattı diskinde jaylasadı.
  
• 
  MBBS da tarmaq serverinde jaylasadı.
  
• 
  Arnawlı ajıratılǵan qosımshalar serveri bar bolıp, onda biznes-logikanıń programmalıq támiynatı jaylasadı.
  
• 
  Kóp sanlı klient kompyuterlerinde “kishi klient” dep atalıwshı klient programması ornatılǵan bolıp, olar paydalanıwshı interfeysin payda etedi.
  
• 
  Hár bir klient kompyuterinde paydalanıwshılar kishi klient programmasın iske túsiriw imkanına iye. Bul programma jaratqan paydalanıwshı interfeysi járdeminde paydalanıwshılar qosımshalar serverindegi biznes-logikanıń programmalıq támiynatına múrajaat etedi.
  
• 
  Qosımshalar serveri paydalanıwshı talabın analizleydi hám maǵlıwmatlar bazası zaprosların payda etedi. Bunıń ushın arnawlı SQL zaproslar tili qollanıladı, yaǵnıy tarmaq arqalı qosımshalar serverinen maǵlıwmatlar bazası serverine tek zapros teksti uzatıladı.