Malakasini oshirish instituti tabiat bilan tanishtirish

VI. BOB. 

---

80 
MAKTABGACHA TA’LIM MUASSASALARDA TABIAT BILAN 
TANISHTIRISHNING ISH MAZMUNI 
 
Kichik guruhda tabiat bilan tanishtirishning ish mazmuni 
Jonsiz tabiat. 
Bolani kun va tunning almashuviga, ob-havodagi o’zgarishlar 
(shamol esishi, yomg’ir, qor yog’ishi, havo bulutli yoki ochiq bo’lishi quyosh 
charaqlab turishi) ni aytishga o’rgatish.
Yil fasllari va ularning o’ziga xos xususiyatlari (yozning issiq, qishning sovuq 
ekanligi) to’g’risida tushuncha berish. 
Tabiat hodisalari va odamlarning unga munosabati (yomg’irli-nam havoda 
kastyumsiz sayr qilish mumkin emas, yozda issiq havoda quyosh taftidan saqlanish 
uchun bosh kiyim kiyiladi, qishda sovuq havoda issiq palьto, sharf, etik, shapkalar
kiyiladi. va h.k.)ni tushuntirish. 
Suv, qor, muz, qum, loyning o’ziga xos belgilarini farqlash va nomini aytish, 
oddiy tajribaga asoslanib, ularning xususiyatlarini (qor-oppoq, yumshoq, sovuq; suv 
oqadi, iliq va sovuq bo’lishi mumkin; muz-qattiq va sirpanchiq; qum to’kiladi, ho’l 
qumdan narsalar yasash mumkin; loy-yumshoq, undan narsalar yasash mumkin, agar 
loy qurisa, ezganda uqalanadi, tuproqqa aylanadi) o’rgatish.
Ertalab, kunduzi, kechqurun, tun so’zlarining ma’nosini hamda kattalar va 
bolalar sutkaning turli vaqtlarida qanday harakat qilishlari haqida suhbatlashish orqali 
tasavvurlarini kengaytirish. 
Predmetlarning xususiyatlarini tajriba yordamida o’rgatish (cho’kadi yoki 
cho’kmaydi, yirtiladi yoki yirtilmaydi).