Malakasini oshirish instituti tabiat bilan tanishtirish

Hayvonot dunyosi.
 
Bolaning
 
hayvonot olami to’g’risida tasavvurlarini 
kengaytirish. 
Bolani tanish yovvoyi hayvonlar- bo’ri, quyon, ayiq, yo’lbars, sher haqidagi 
tushunchalarini mustahkamlash. Yovvoyi hayvonlardan jirafa, zebra, begemot bilan 
tanishtirish. Ularning yashash sharoiti, tashqi qiyofasi, oziqlanishi haqida 
tasavvurlarini shakllantirish. 
Bolani ayrim yovvoyi (quyon, bo’ri, olmaxon, tipratikan v.b.) hayvonlarning 
moslashuvchanlik xususiyatlari bilan tanishtirish. Hayvonlarning o’zi yashaydigan 
muhitga tanasining tuzilishi va xatti-harakat bilan moslanishiga doir belgilarini ajrata 
bilishga o’rgatish. Bo’rining uzun baquvvat oyoqlari tez yugurishga imkon beradi, 
quyonning orqa oyoqlari uzunroq bo’lgani sababli sakrab-sakrab yuradi, chopadi, 
olmaxonning o’tkir qayrilgan tirnoqlari daraxtlarga tirmashib chiqishiga yordam 
beradi, toshbaqa to’mtoq baquvvat, oldingi oyoqlari yon tomonga chiqqan, tirnoqlari 
yerni qazishga moslashgan.
Ayrim yovvoyi hayvonlar tanasining tashqi ko’rinishi, qoplami himoya uchun 
xizmat qiladi.(quyonning rangi, tipratikanning ignalari, toshbaqaning qattiq 
qoplamga egaligi dushmandan o’zini himoya qilishda yordam beradi). Bular
jonivorlarning moslashuv xususiyatiga ega ekanligini ko’rsatadi.