Мактабгача таълим вазирлиги

Педагог кадрларни аттестациядан ўтказиш

Бу бўлимда ташкилотда фаолият юритаётган барча педагог ходимларнинг касбий салоҳиятларини аниқлаш мақсадида аттестациядан ўтиш вақти, аттестация учун тақдим этиладиган иш мазмуни билан танишиш, белгилаб олиш ҳамда аттестация натижалари ҳақидаги маълумотлар берилади.

Мазкур жадвал Ўзбекистон Республикаси Вазирлар Маҳкамасининг 2019 йил 13 майдаги 392-сон «Мактабгача, умумий ўрта, ўрта махсус, касб- ҳунар ва мактабдан ташқари давлат таълим ташкилотлари педагог кадрларини аттестациядан ўтказиш тартиби тўғрисидаги низомни тасдиқлаш ҳақида»ги қарорига мувофиқ педагогларни аттестациядан ўтиш муддатлари белгиланиши кўзда тутилган.
2019-2020 ўқув йилидан бошлаб ҳар йили март-июнь ойларида педагогларнинг аттестациядан ўтиши режалаштирилиши, ушбу режа билан педагог танишган бўлиши, (аттестациядан ўтиш учун педагог ўз аризасини берган бўлади) аттестациядан ўтиш учун тайёргарлик кўриб бориши лозим бўлади. Методист томонидан тўлдириладиган жадвалда мактабгача таълим ташкилотида фаолият юритаётган педагогларнинг исми, шарифи, лавозими ва унинг эгаллаб турган лавозимдаги умумий педагогик ҳамда мазкур ташкилотдаги иш фаолияти (иш стажи)га асосланган ҳолда қайси ўқув йилида аттестациядан ўтиши белгиланади. Бунда тоифага эга бўлмаган мутахассис ўз иш йўналишида камида уч йиллик иш стажига ва мазкур ташкилотда камида 1 йил тўлиқ фаолият юритган бўлиши, иккинчи тоифага эга бўлган педагог шу тоифада камида уч йил ишлагандан сўнг биринчи тоифа учун, биринчи тоифага эга бўлган педагог шу тоифада камида уч йил ишлагандан сўнг олий тоифа учун аттестациядан ўтиши мумкинлигини ҳисобга олинади. Ўқув йилининг белгиланган муддатида (март-июнь ойида) аттестациядан ўтгандан сўнг жадвалга аттестация натижалари қайд этилади, масалан, “2020 йил
20 июнда 2-тоифа берилди”. Жадвалнинг қандай кўринишда тақдим этилганлиги бўлимига педагогнинг аттестациядан ўтиш учун тайёрланган иш ҳужжатларидан келиб чиқиб, тест натижаси, очиқ машғулотлар, семинарлардаги иштироки, ёзган тавсиялари, илғор иш тажрибаси, муаллифлик иш материаллари ва ҳоказолар жамланган йиғма жилди кабилар қайд этилади.
Намуна