Мактабгача таълим ва тарбиянинг давлат стандартини тасдиқлаш тўҒрисида «Мактабгача таълим ва тарбия тўғрисида»

жамоатчилик назорати — маҳалла ва қишлоқ фуқаролар йиғинларида ташкил этиладиган жамоатчилик комиссияси томонидан белгиланган тартибда амалга оширилади;
миллий ва халқаро даражада баҳолаш — ҳукуматнинг тегишли қарори ҳамда халқаро шартномалар талаблари асосида мактабгача таълим бошқаруви органлари, бошқа ташкилотлар, жумладан, халқаро ташкилотлар ҳамкорлигида амалга оширилади.
7-боб. Якунловчи қоида
16. Давлат стандарти талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Мактабгача таълим ва тарбиянинг давлат стандартига
1-ИЛОВА
Илк ва мактабгача ёшдаги болалар ривожланишига қўйиладиган
ДАВЛАТ ТАЛАБЛАРИ
1-боб. Умумий қоидалар
1. Мазкур Ўзбекистон Республикасининг илк ва мактабгача ёшдаги болалар ривожланишига қўйиладиган давлат талаблари (кейинги ўринларда — давлат талаблари) илк ва мактабгача ёшдаги болаларни (кейинги ўринларда — болалар) ҳар томонлама ривожлантириш, таълим-тарбия бериш, мактаб таълимига тайёрлаш бўйича давлат талабларини белгилайди.
Давлат талаблари Ўзбекистон Республикаси ҳудудида ташкилий-ҳуқуқий шаклидан қатъи назар, қуйидаги таълим ташкилотларига нисбатан қўлланилади:
давлат мактабгача таълим ташкилотлари;
нодавлат мактабгача таълим ташкилотлари;
мактабгача ёшдаги гуруҳлари мавжуд бўлган «Меҳрибонлик» уйлари ва «Болалар шаҳарчалари».
2. Мактабгача таълим турлари учун кадрлар тайёрловчи ўрта махсус, касб-ҳунар ва олий таълим муассасалари, мактабгача таълим турлари бўйича педагогик кадрларнинг малакасини ошириш ва қайта тайёрлашни амалга оширадиган ташкилотлар, мактабгача ёшдаги болалар тарбия олаётган оилалар давлат талабларига риоя қилишлари лозим.
3. Давлат талабларида қуйидаги асосий тушунчалардан фойдаланилади:
мактабгача таълим — мактабгача ёшдаги болалар қизиқиши, иқтидори, индивидуал руҳий ва жисмоний хусусиятлари, маданий эҳтиёжларини инобатга олган ҳолда ҳамда болада маънавий меъёрларнинг шаклланиши, ҳаётий ва ижтимоий тажриба эгалланишини кўзда тутган ҳар томонлама ривожлантиришга қаратилган яхлит жараён;