|
34-modda. Maktabgacha ta’lim tashkiloti guruhlarini to‘ldirish
Guruh maktabgacha ta’lim tashkilotining tarkibiy birligidir.
Maktabgacha ta’lim tashkilotidagi guruhlar yoshga doir toifalar yoki yoshga doir bo‘lmagan toifalar bo‘yicha to‘ldirilishi mumkin.
Guruhlar yoshga doir toifalar bo‘yicha to‘ldirilganda quyidagi yosh toifalari belgilanadi:
ilk rivojlanish guruhi (bir yoshdan uch yoshgacha);
kichik guruh (uch yoshdan to‘rt yoshgacha);
o‘rta guruh (to‘rt yoshdan besh yoshgacha);
katta guruh (besh yoshdan olti yoshgacha);
maktabga tayyorlov guruhi (olti yoshdan yetti yoshgacha).
Maktabgacha ta’lim tashkiloti guruhlarini to‘ldirish va bolalarni bir guruhdan boshqasiga o‘tkazish har yili o‘quv yili boshlanguniga qadar amalga oshiriladi.
Umumiy turdagi davlat maktabgacha ta’lim tashkilotlarida guruhlar tegishli ravishda quyidagi miqdorda to‘ldiriladi:
uch yoshdan yetti yoshgacha bo‘lgan bolalar guruhlarida — ko‘pi bilan o‘ttiz nafar bola;
bolalar qisqa vaqt bo‘ladigan guruhlarda — ko‘pi bilan o‘ttiz nafar bola;
turli yoshdagilar guruhlarida — ko‘pi bilan yigirma besh nafar bola;
bolalar kechayu kunduz bo‘ladigan guruhlarda — ko‘pi bilan o‘n nafar bola.
Agar davlat maktabgacha ta’lim tashkiloti joylashgan yerda davlat maktabgacha ta’lim tashkilotiga borishni xohlovchi maktabgacha bo‘lgan yoshdagi bolalar soni yigirma nafardan kam bo‘lsa va bu joyda boshqa davlat maktabgacha ta’lim tashkiloti mavjud bo‘lmasa, O‘zbekiston Respublikasi Maktabgacha ta’lim vazirligi bilan kelishilgan holda kam sonli bolalardan iborat guruhlarni tashkil etishga yo‘l qo‘yiladi.
O‘zbekiston Respublikasi Maktabgacha ta’lim vazirligi bilan kelishuvga ko‘ra guruhlarni ularni to‘ldirishning eng ko‘p miqdori oshirilgan holda tashkil etishga yo‘l qo‘yiladi.
Nodavlat maktabgacha ta’lim tashkilotlarida guruhlarni to‘ldirish tartibi maktabgacha ta’lim tashkilotlarini saqlashga, ularning tuzilishiga va ulardagi ish rejimini tashkil etishga doir sanitariya-gigiyena talablari hisobga olingan holda ularning muassisi tomonidan belgilanadi.
Ko‘p tarmoqli ixtisoslashtirilgan maktabgacha ta’lim tashkilotida rivojlanishida jismoniy yoki ruhiy nuqsonlari bo‘lgan bolalar uchun guruhlar tegishlicha quyidagi miqdorda to‘ldiriladi:
nutqida og‘ir nuqsonlari bo‘lgan bolalar uchun guruhlarda — ko‘pi bilan o‘n ikki nafar bola;
kar bolalar uchun guruhlarda — ko‘pi bilan o‘n nafar bola;
yaxshi eshitmaydigan bolalar uchun guruhlarda — ko‘pi bilan o‘n ikki nafar bola;
ko‘zi ojiz bolalar uchun guruhlarda — ko‘pi bilan o‘n nafar bola;
ko‘zi yaxshi ko‘rmaydigan bolalar uchun guruhlarda — ko‘pi bilan o‘n ikki nafar bola;
tayanch-harakat apparati buzilgan bolalar uchun guruhlarda — ko‘pi bilan o‘n sakkiz nafar bola;
gemiparez, monoparez, plegiya asoratlari bo‘lgan bolalar uchun guruhlarda — ko‘pi bilan o‘n ikki nafar bola;
bolalar tserebral falaji sindromi asoratlari bo‘lgan bolalar uchun guruhlarda — ko‘pi bilan o‘n nafar bola;
yengil darajada aqli zaif bo‘lgan aqliy nuqsonlari bor bolalar uchun guruhlarda — ko‘pi bilan o‘n ikki nafar bola, o‘rtamiyona va o‘rtacha darajada aqli zaif bo‘lgan aqliy nuqsonlari bor bolalar uchun guruhlarda — ko‘pi bilan o‘n nafar bola;
autizmga chalingan uch yoshdan katta bolalar uchun guruhlarda — ko‘pi bilan o‘n nafar bola;
aqliy rivojlanishi kechikayotgan uch yoshdan katta bolalar uchun guruhlarda — ko‘pi bilan o‘n ikki nafar bola;
murakkab nuqsonlari (ikki va undan ortiq nuqsoni) bo‘lgan bolalar uchun guruhlarda — ko‘pi bilan o‘n nafar bola.
Inklyuziv guruhlarga ega maktabgacha ta’lim tashkilotida guruhlar tegishincha quyidagi miqdorda to‘ldiriladi:
1) uch yoshgacha bo‘lgan bolalar uchun guruhlarda — ko‘pi bilan yigirma besh nafar bola, shu jumladan rivojlanishida jismoniy yoki ruhiy nuqsonlari bo‘lgan ikki yoshdan uch yoshgacha ko‘pi bilan uch nafar bola;
2) uch yoshdan katta bolalar uchun guruhlarda:
ko‘pi bilan yigirma besh nafar bola, shu jumladan rivojlanishida jismoniy yoki ruhiy nuqsonlari bo‘lgan (yaxshi ko‘ra olmaydigan yoki yaxshi eshita olmaydigan yoki tayanch-harakat apparatida nuqsonlari bo‘lgan) ko‘pi bilan uch nafar bola;
ko‘pi bilan yigirma besh nafar bola, shu jumladan rivojlanishida jismoniy yoki ruhiy nuqsonlari bo‘lgan (ko‘rish ambliopiyasiga chalingan, ko‘zi g‘ilay yoki nutqida og‘ir nuqsonlari bo‘lgan yoki autizmga chalingan) ko‘pi bilan ikki nafar bola;
ko‘pi bilan yigirma besh nafar bola, shu jumladan nutqida og‘ir nuqsonlari bo‘lgan ko‘pi bilan uch nafar bola;
ko‘pi bilan yigirma besh nafar bola, shu jumladan ruhiy rivojlanishida kechikayotgan ko‘pi bilan uch nafar bola.
Qo‘shma turdagi maktabgacha ta’lim tashkilotida rivojlanishida jismoniy yoki ruhiy nuqsonlari bo‘lgan bolalar uchun guruhlar tegishincha quyidagi miqdorda to‘ldiriladi:
qulog‘i kar bolalar uchun guruhlarda — ko‘pi bilan o‘n nafar bola;
qulog‘i yaxshi eshitmaydigan bolalar uchun guruhlarda — ko‘pi bilan o‘n ikki nafar bola;
ko‘zi ojiz bolalar uchun guruhlarda — ko‘pi bilan o‘n nafar bola;
ko‘zi yaxshi ko‘rmaydigan bolalar uchun guruhlarda — ko‘pi bilan o‘n ikki nafar bola;
tayanch-harakat apparati buzilgan bolalar uchun guruhlarda — ko‘pi bilan o‘n sakkiz nafar bola;
gemiparez, monoparez, plegiya asoratlari bo‘lgan bolalar uchun guruhlarda — ko‘pi bilan o‘n ikki nafar bola;
bolalar tserebral falaji sindromi asoratlari bo‘lgan bolalar uchun guruhlarda — ko‘pi bilan o‘n nafar bola;
autizmga chalingan uch yoshdan katta bolalar uchun guruhlarda — ko‘pi bilan o‘n nafar bola;
murakkab nuqsonlari (ikki va undan ortiq nuqsoni) bo‘lgan bolalar uchun guruhlarda — ko‘pi bilan o‘n nafar bola.
Do'stlaringiz bilan baham: | 
