Мактабгача таълим муассасалари учун жамоа шартномаси макети

20. Kasaba uyushma qo‘mitasi
a) ijtimoiy-mehnat munosabatlariga oid masalalarni, shuningdek ishlab chiqarish va ijtimoiy-iqtisodiy muammolarni hal etishda xodimlar nomidan ish ko‘rish;
b) Kasaba uyushma qo‘mitasi vakillarini Muassasa boshqaruvining organlariga saylanishi imkoniyatlaridan foydalanish;
v) kasaba uyushmalariga xos uslublar yordamida Muassasaning barqaror faoliyat ko‘rsatishiga ko‘maklashish;
g) mexnatga xaq to‘lash shakllari va tizimlarini takomillashtirish;
ichki mehnat tartibi qoidalariga, mehnat intizomiga rioya etilishiga, mehnat vazifalari o‘z vaqtida va sifatli bajarilishiga ko‘maklashish;
d) Muassasani boshqarish, jamoa shartnomasi majburiyatlarini takomillashtirish, xodimlarning mehnat shartnomasidagi vazifalarni to‘liq va sifatli bajarishlariga ko‘maklashuvchi ijtimoiy-iqtisodiy rivojlanishning joriy va istiqbolli reja va dasturlarini qabul qilish kabi masalalar yuzasidan jamoa muzokaralarini olib borish bo‘yicha takliflarni Ish beruvchiga kiritib borish;
i) ichki mehnat tartibi qoidalariga, mehnat intizomiga rioya etilishiga, mehnat vazifalari o‘z vaqtida va sifatli bajarilishiga ko‘maklashish;
j) xodimlarni yangi pedagogik texnologiyalar bo‘yicha ratsionalizatorlik va ixtirochilik ishlarida ishtirok etishlariga ko‘maklashish;
z) mamlakatni modernizatsiyalash va yangilash, demokratik huquqiy davlat va fuqarolik jamiyatini qurish borasidagi ustuvor dasturlar bajarilishini monitoring qilish ishlarida ishtirok etish;
i) tarmoq ko‘rik-tanlovlarida ishtirok etish tashabbuslari bilan chiqish;
y) ijtimoiy himoyalash, ta’limi sohasini rivojlantirish kabi Prezident Farmonlari, Hukumat qarorlari yuzasidan o‘quvlar tashkil qilish majburiyatlarini o‘z zimmasiga oladi.
21. Xodimlar:
a) o‘z mehnat vazifalarini halol bajarish, Ish beruvchining farmoyishlari va buyruqlarini o‘z vaqtida va sifatli ijro etish;
b) ichki mehnat tartibi qoidalariga, o‘rnatilgan mehnat rejimiga va mehnat intizomiga rioya qilish majburiyatlarini o‘z zimmasiga oladilar.
v) har yili O‘zbekiston Respublikasi Prezidentining tegishli hujjatiga yoki O‘zbekiston Respublikasi Vazirlar Mahkamasining qaroriga binoan “Navro‘z” va “Mustaqillik bayramlari arafasida o‘tkaziladigan maqsadli umumxalq xayriya hasharlarida ishtirok etish majburiyatlarini o‘z zimmasiga oladilar.