«Мактабгача таълим методикаси ва назарияси» журнали бош муҳаррири «Vunderkind uz» журнали бош муҳаррири

Тарбиячи: - Бугунги ўйин машғулотимиз нон - ризқ- 
рўзимиз ҳақида. Келинг, аввало сизларга нон қандай 
яралиши ҳақида айтиб ўтай. Деҳқонларимиз куз фаслида 
буғдойларни ерга сепиб экишади. Қиш келиши билан қор 
ёғади. Қор сувини симириб, буғдой мўл ҳосил беради. 
Баҳор фасли келиши билан буғдой бўй чўзиб, бошоқ 
қилади. Май ойининг охирги кунлари ва июнь ойининг 
бошларида буғдой пишиб етилади ва комбайнларда ўриб 
олинади. 
Омборларга 
жўнатилади. 
Омборларда 
тегирмонлар қоп-қоп буғдойни бир дақиқада майин ун 
қилиб беради. Ун нон заводларига машиналарда 
ташилади. 
Узбекистонимизнинг барча вилоятларини айланиб 
чиқсак, турли-туман нонларни кўрамиз. Самарканд 
нонлари, Тошкент нонлари, Фарғона нонлари, Хоразм 
нонлари бир- биридан шакли, мазаси билан фарқ қилади. 
Дунёнинг қайси бурчагидан меҳмон, сайёҳ келса албатта, 
ўзбек нонидан татиб кўради, уни совға 
24 

---

23 
сифатида ўз юртига олиб кетади. Бундан ҳар қанча фахрлансак 
арзийди. 
Болажонлар нон ҳақида кўи нарсаларни билиб олдик, энди 
сизлар билан «Нон азиз» шеърини ёд оламиз. 
НОН АЗИЗ 
Обид Расул 
Ойим хамир қорарлар, 
Нон ёпмоқчи бўларлар. 
Ёнларида мен борман, 
Юмуш бўлса тайёрман. 
Зувалалар узарман, 
Патирга гул чизарман. 
Ойим хурсанд ишимдан, 
Қувониб ич-ичидан: 
- 
Болам, - дерлар, - омон бўл, 
Барчага меҳрибон бўл. 
Ушоқ ҳам - нон, азизим, 
Нонга қиламиз таъзим. 
Бебаҳодир нон, қизим. 
- 
Хўп бўлади, жон ойи, 
Билдим: азиз - нон, ойи. 
Тарбиячи: - Болажонлар, энди «Нон - улуғ неъмат» 
мавзусидаги кўринишини саҳналаштирамиз. 
Бир куни подшоҳ Ҳусайн Бойқаро сарой амалдорларига: 
«Дунёдаги энг яхши ҳидни келтиринг!» 
- 
деди. Сарой аҳли ҳар тарафга югуриб, подшоҳга турли хушбўй 
гулларни, қўйингки, ер юзидаги жамики хушбўй ҳидли нарсаларни 
муҳайё этишса-да, султон: «Мен истаган нарса бу эмас!» дебди. 
Сарой амалдорлари ҳамда вазирлар бошлари қотиб, подшоҳ 
истаган ҳидни топа олмасдан, охири Алишер Навоийнинг олдига 
боришибди. 

---

24 
Буюк шоирга вазирлару уламолар: «Султонимиз айтган 
ҳидни топиб, подшоҳимиз қаҳридан бизни қутқаринг» - 
дейишибди. 
Дўстининг кўнгли нимани тусаётганини билолмай, 
Алишер Навоийнинг ҳам боши қотибди. Эртаси куни 
Навоий хаёл суриб, кетаётган экан, экин суғораётган 
деҳқонга дуч келибди. Салом-аликдан сўнг: «Айтингчи, 
бобо, энг яхши ҳид ниманинг ҳиди?» - деб сўрабди. 
Деҳқон: «Отам раҳматли дунёда энг лаззатли ва ёқимли 
ҳид буғдой унидан ёпилган иссиқ нон ҳиди, ҳеч қайси ҳид 
унга етолмайди, дер эдилар», - дебди. Шундан сўнг 
Алишер Навоий аъёнларга бир сават нон ёптириб, иссиқ 
нонни подшоҳ ҳузурига олиб киринглар», дея маслаҳат 
бериб
т
Аъ ,ар шундай қилишибди, бир зумда саройга ёқимли 
ҳид таралиб, барчанинг дилини яшнатиб юборибди. 
Ҳусайн Бойқаро хурсанд бўлиб, «Ҳа, кўнглим янги 
ёпилган нон исини тусаётган эди, дунёда янги ёпилган нон 
ҳидидан ёқимлироқ ҳид йўқ, дея бу саволга ким жавоб 
топганлигини сўрабди. Шунда саройга келган Навоий: 
«Султоним, сиз истаган ҳиднинг нималигини оддий бир 
деҳқон топди, унинг фаросатига қойил қолдим», дея 
таъзим қилибди. 
Подшоҳ деҳқонга бош-оёқ сарпо бериб, муко- 
фотлашни буюрибди. 
Ушбу ривоят болалар томонидан саҳналаштирилади. 
Уйин машгулотининг якунида «Мақолни давом 
эттиринг» ўйини ўйналади. Бунда болалар дан нон 
ҳақидаги мақоллар сўралади. 

---

25