Maktabgacha pedagogika

Mustaqil ish rejasini tuzish va matnini yozish

Mustaqil ishga puxta reja tuzish ishning eng asosiy yutuqlaridan hisoblanadi. Chunki ishning talabga javob beradigan tarzda yozilishi bevosita tuzilgan rejaga bog‘liqligi ayon. Shu bois, rejadagi ju’ziy kamchiliklar ham ishning saviyasi pasayishiga va mazmuni atroflicha, to‘liq yoritilmaganligiga sabab bo‘lishi mumkin.

Mustaqil ishlari mavzulari rejasidagi asosiy savollar 5-7 tadan iborat bo‘lishi lozim. Rejadagi har bir bandga o‘ziga xos yondashuv asosida javob yozish talab etiladi (namunadagi rejalarga ilova qilingan). Shuningdek har mustaqil ish uchun taalluqli ko‘rgazmali jihozlar tavsiya etilgan bo‘lib, talaba ularga e’tibor berishi lozim.

Mustaqil ishlarining kirish va xulosa qismlarida yoritilishi kerak bo‘lgan masalalar quyida keltirilgan.

Kirish

«Maktabgacha pedagogika» fanidan mustaqil ish yozishning ahamiyati, mavzuning dolzarbligi, maqsadi va asosiy vazifalari. Tanlangan mavzuning talaba uchun ahamiyati. Mustaqil ish tuzilmasi va h.k.

Xulosa

Mavzu yuzasidan umumiy jamlama, ya’ni xulosa chiqariladi. Mavzuning o‘ziga xos tarzda yoritilishi talabada qator umumiy tushunchalar–xulosalarni yuzaga chiqarishi mumkin.

Mustaqil ishlari (loyixalari) bo‘yicha ko‘rsatmalar.

Mustaqil ishlari (loyixalarining) kengaytirilgan mavzulari va ularni bajarish bo‘yicha uslubiy ko‘rsatmalar alohida ishlab chiqiladi va belgilangan tartibda tasdiqlanadi.