Мактабгача ёшдаги болаларга таълим тарбия беришда Мария Монтессори методикасини қўллаш

Методнинг бош ғояси: болани мустақил ривожланишига туртки беришдан иборат.

М онтессори мактабида бола махсус яратилган мухит ёрдамида мустақил таълим олади. Монтессори материалларида боланинг ўз-ўзини назорат қилиш, хатоларини ўзи топиб, мустақил тузатишга шароит яратилган. Катталар болани фақат йўналтириб, зарур холларда рағбатлантириб туришади. Уларнинг вазифаси болаларга таълим бериш эмас, балки уларнинг мустақил фаолиятига рахбарлик қилиб туришдан иборат.

Монтессори методининг бош шиори: “Буни мустақил бажаришга ёрдам бер”.

Монтессори тизими ҳар бир болага чексиз танлов эркинлигини беради. Унга асосан, ҳар бир бола бугун нима билан шуғулланишини хал қилишни мустакил равишда танлай олади.

Монтессори методикасининг яна бир ўзига хослиги турли ёшдаги болаларнинг бир гурухда таълим олишини ташкил этилишида. Турли ёшдаги болалар бир-бирларига халал беришмайди, аксинча ёрдамлашишади.

Монтессори системаси болага шахси шаклланиши учун зарур барча шароитларни яратиш имконини беради.

Монтессори системасида таълим олган болаларда ўқишга нисбатан интилиш, маъсулиятлилик, интизомлилик хислатлари осон шакллантирилади. Бу болалар меҳнатсеварлиги, интилувчанлиги, хулқи –атвори ижобийлиги билан ажралиб турадилар.

М онтессори методининг моҳияти нимадан иборат?

• 
  Монтессори методи болани ҳар томонлама ривожлантиришга ёрдам беради. Мария Монтессорининг болаларга ёндашуви ўзига хос.
  
• 
  М ария Монтессори Италияда туғилган бўлиб, у ўз мамлакати тарихида биринчи аёл –доктор бўлган.У ўзининг илк фаолиятини ривожлантиришда орқада қолаётган болалар билан бошлаган. Бу болалар асосан камбағал оилалардан бўлган. У қўллаган методлардан бутун дунё педагоглари кенг фойдаланадилар. Бугунги кунда Кўшма Штатларда ҳам унинг системасига нисбатан қизиқиш кучайди.Таълимнинг анъанавий методлари панд бериб турган бир пайтда, Монтессори йўналиши болалар ривожланишига ўзига хос ёндашув назариясини илгари сурди.