Мактабга тайёрлов

Фаолият тури: Элементар математик 46
Мавзу: Предметларни 15 тагача санашни ўргатиш
Мақсад:
Болаларга 15 гача тартибли санашни ўргатишни давом эттириш.
Кутилаётган натижа:
Болалар нарсаларни 15 тагача тартибли билан санашни ўрганадилар.
Керакли жиҳозлар:
Қалам солиш учун 4 та идиш
60 та рангли қаламлар
Ҳар столга биттадан қутича маккажўхорилари билан
2 та қопча, 40 та коптоклар ва коптокларни солиш учун кути
Фаолиятнинг бориши:
Тарбиячи: Болажонлар, менинг столимда рангли қаламлар солинган 2 та идиш турибди, яна 2 та идиш бўлса бўш. Ҳар бир идишга 15 тадан қалам солиш керак. Келинглар, қаламларни санаб ҳамма идишга 15 тадан солиб қўямиз. Тарбиячи болалар билан қаламларни 15 тасини битталаб санаб 1 -бўш идишга олиб қўяди. Ҳа бир олган қаламини «бу нечанчиси?», «идишда нечта бўлди?», деб сўраб боради. Шу тартибда 2-бўш идишга ҳам 15 та қалам санаб солинади. Кейин қаламлар бор бўлган идишлардаги қаламлар ҳам саналади. «Мана ҳамма идишларга 15 тадан қалам солинди», деб таъкидланади.
Болажонлар энди амалий ишга ўтишдан олдин қўлимизни ювиб келамиз.
Болалар учун амалий иш.
Ҳар бир столга қутичалар қўйилади. Тарбиячи қутичаларда маккажўхори қаламчалари борлигини айтиб, 15 та маккажўхори қаламчасини олдиларида турган ликобчага санаб солишларини айтади.
Тарбиячи: Болажонлар, бу ширин маккажўхори қаламчаларини мазза қилиб еб қўямиз, фақат мен 1 деганимда 1-қаламчани, 2 деганимда 2-қаламчани, 3 деганимда 3-қаламчани ва ниҳоят 15 деганимда 15-қаламчани оғзингизга солишингиз керак. Болажонлар, маккажўхори қаламчаларини мазза қилиб еб олдик, энди қўлимизни ювиб келамиз ва ўйин ўйнаймиз. Билимларни мустаҳкамлаш учун ўйин: «Ким чаққон»
Болалар 2 гуруҳга бўлиниб, икки қатор бўлиб турадилар. Болалардан 5 метр узоқликда коптокчалар тўлдирилган 2 та кути қўйилади. Ҳар бир гуруҳга биттадан қопча берилади. Болалар қопчага 15 та коптокни солиб тўлдиришлари керак. Ҳар икки гуруҳдан 1 тадан бола 5 метр узоқликда қўйилган қутидан 1 дона копток олиб келади ва 1-бола 1 деб, 2- бола 2 деб ва ниҳоят 15-бола 15 деб қопга солади. Қоплардаги коптоклар болалар билан биргаликда санаб кўрилади.
Болалар билимини текшириш ва мустаҳкамлаш учун саволлар:
Ҳар бир идишга нечтадан қаламлар солдик?
Сиз нечта маккажўхори қаламчасини едингиз?
2 та мушук учун нечта оёқ кийим керак бўлади?
Қопга нечта копток солдик?
Поезд йўлида 13 та вагон турибди, улар 15 та бўлиши учун яна нечта вагон керак?
Машғулот якунида болаларни рагбатлантириш.

60



Геометрик шакллар Мавзу: Таёқчаларнинг урн ими алмаштириш натижасида берилган шаклларни ўзгартиришга мўлжалланган масалалар ечиш
Максад:
Болаларга муаммоли топшириқларни ечишни ўргатиш.
Кутилаётган натижалар:
Болалар муаммоли вазифаларни ҳал қилишни ўрганадилар.
Маълум миқдордаги таёқчалардан турли геометрик шакллар ясаш ва шакллар кўринишини айтилган сондаги таёқчаларни олиш йўли билан ўзгартиришни ўрганадилар.
Керакли жиҳозлар:
Таёқчалар (ўлчами 10 см)
Фаолиятнинг бориши: