Мактабдаги ўсмирларнинг эҳтиёжларини, шунингдек, мактаб муҳитига боғлиқ омиллар, руҳий саломатлиги ва фаровонлигига таъсир қилувчи омилларни ҳар томонлама ўрганиш

2. Тажрибангизга асосланиб, мактабда ўқувчиларнинг руҳий саломатлиги ва фаровонлигига қандай омиллар таъсир қилади?
7-иштирокчи- сентябрда ўқиш бошланган бўлса, карантиндан кейин болаларда руҳий ҳолат ёки ўзаро уришишлар бўлмади. Бу бир-бирини ёки ўқишни соғингани билан боғлиқ бўлса керак. Лекин баҳор ойларида яна олдинги ҳолдатга қайтиш бўлди, кечаси билан болалар кўчага чиқиши, дарсга келмасдан ўзаро жанжаллашган ҳоллар учрашни бошлайди.
4-иштирокчи- асосан ўсмир ёшдаги болалар ичида гормонал ўзгаришларнинг юзага келиши ҳам уларга таъсир қилмоқда. Уларнинг бўйи ва овозини ўзгариши болалар ўртасида жисмоний фарқни юзага келтиради. Бу ҳам айримларни депрессияга тушишига сабаб бўлади. Биз уларга бу жараён кимдадир олдин кимдадир кейинроқ рўй беришини айтамиз.
2-иштирокчи- мактабдаги имтиҳонлар ҳам таъсир қилади. Айниқса қизлар ўртасида бири ёмон баҳо олсаю, бошқаси яхши баҳо олса бу нарса ҳам таъсир қилади. Битирувчи синфлар ҳам ўқув мавсуми охирига келиб, мактабни тарк этишга яқин қолганда айрим руҳий бузилишлар кузатилади.
5-иштирокчи-9-10-11 синфлар давлат имтиҳонларини топшириши даврида ўзига паст баҳо бериши натижасида депрессия кузатилади. Имтиҳонлардан ўтолмай қолсамчи деган савол бу муаммоларни сабаби дейишимиз мумкин. қаттиққўл ўитувчиларни дарсида бу тушкунлик кучаяди.
3. КОВИД-19 пандемияси бу масалаларга қандай таъсир қилди?
4-иштирокчи-яқинларини йўқотган болаларда рухий ишончини орттириш, дийдасини қотиш ҳолатлар бўлди. Бирдан ўзини катта одамдай ҳис қилган болалар бўлди. Отаси ёки онаси вафот этганларда айримлар тушкунликка тушган бўлсада, бу нарса уларни курашувчанлигини оширишга хам хизмат қилди.
6-иштирокчи-айрим қизларда ёки пастки синфларда қисман қўрқув мактаб очилганда ҳам сақланган бўлсада, асосий ҳолатда бу болаларда аввал депрессия кузатилиб, кейин бундан чиқиб кетиш ҳолати бўлди. Катта болалар эса оилани боши сифатида ўзини тутишга мажбур бўлган ҳоллар бор.