Мактаб раҳбарларининг молиявий ва ҳуқуқий саводхонлиги

Синфлар	1	2	3	4	5	6	7	8
9
Давлат ихтиёридаги соатлар	22	24	26	26	30	32	33	34	35
Мактаб ихтиёридаги соатлар	0.5				0.5	0.5	1	0.5	2
Амалий меҳнат (кун ҳисобида)					6	6	10	16
Жами	22.5	24	26	26	30.5	32.5	34	34.5	37

Ўқув йили мобайнидаги таътиллар камида 30 календарь кун қилиб белгиланади:
кузги таътил - 4 ноябрдан 11 ноябргача (8 кун);
қишки таътил - 31 декабрдан 10 январгача (11 кун);
баҳорги таътил - 22 мартдан 31 мартгача (10 кун);
Ёзги таътил - ўқув йили (имтиҳонлар) тугаган кундан бошлаб 31 августгача (камида 8 ҳафта) давом этади.
1-синф ўқувчилари учун Мактаб (педкенгаш) кенгаши томонидан февраль ойи ўрталарида қўшимча бир ҳафталик таътил белгиланади.
Ўқув йили давомидаги иш ва машғулотлар қуйидаги байрам кунларида ўтказилмайди:
1 январь - Янги йил;
8 март - Хотин-қизлар куни;
21 март - Наврўз байрами;
9 май – Хотира ва қадрлаш куни;
1 сентябрь - Мустақиллик куни;
1-октябрь - Ўқитувчи ва мураббийлар куни;
Рўза ҳайит - (йид-ал-фитр) диний байрамининг биринчи куни;
Қурбон ҳайит - (йид-ал-адха) диний байрамининг биринчи куни;
8 декабрь - Конституция куни.
Вазирлар Маҳкамасининг 1999 йил 19 июлдаги 352-сонли “Умумтаълим мактабларининг ўқув биноларидан самарали фойдаланишга доир қўшимча чора-тадбирлар тўғрисида”ги қарорига асосан, 1999 йил 1 сентябрдан бошлаб барча турдаги умумтаълим мактаблари синфларида, шу жумладан мактаб-интернатларда ўқувчилар сонининг қуйидаги нормативлари белгиланган: I-IX синфларда - 35 ўқувчи, Х-ХI синфларда - 30 ўқувчи.
Ўқитувчиларнинг йиллик иш режаси чораклар ва ойлар бўйича тақсимланган бир йилдаги 1 548 соат миқдоридаги иш вақтининг жамланган ҳисобидан келиб чиқади.
Халқ таълими вазирлиги ҳамда Меҳнат ва аҳолини ижтимоий муҳофаза қилиш вазирлигининг 2010 йил 27 майдаги 125, 125Қ/Б-сонли қўшма буйруғи билан тасдиқланган “Умумий ўрта таълим мактаблари ўқитувчиларининг иш юкламасини белгилаш ва тақсимлаш бўйича Йўриқнома”га мувофиқ, ўқитувчилар ўзларининг йиллик иш юкламаларини қуйидаги 3 йўналишда амалга оширади:
ўқув-тарбия жараёни;
ўқув жараёнининг методик таъминоти;
ташкилий-педагогик фаолият.
Вазирлар Маҳкамасининг 1997 йил 11 мартдаги 133-сонли қарорига кўра, умумтаълим муассасалари бошланғич синф ўқитувчиларининг ҳафталик иш юкламаси 18 соатни, юқори синф ўқитувчиларининг ҳафталик иш юкламаси 20 соатни ташкил этади.
Бошланғич синф ўқитувчиси ҳафтада 18 соатлик ўқув юкламасини бажариш билан бирга 18 соатлик педагогик юкламани (жами 36 соат), юқори синф ўқитувчиси 20 соатлик ўқув юкламасини бажариш билан бирга 16 соатлик педагогик юкламани (жами 36 соат) ҳам бажаради.