Maktab-oliy ta’lim tizimida fizikani o’qitishda innovatsion usullardan foydalanish кириш

Fizika fanini o’qitishda yangi innovatsion tehnologiyalardan foydalanish

1. 
   Fizika faniga innovatsion tehnologiyalarni joriy qilish
   
2. 
   Mehanika va molekulyar fizikani o’qitishda axborot-kommunikatsion tehnologiyalardan foydalanishning ahamiyati
   
3. 
   Umumta’lim maktablarida “Tekis tezlanuvchan harakat qilayotgan jism tezlanishini aniqlash” mavzusini o’qitish usullari
   
4. 
   Fizika fanidan o’quvchilar bilimini baholash, rag’batlantirishda “Sirli baho” usulidan foydalanish
   
5. 
   Fizika o’qitishda laboratoriya mashg’ulotlarining o’rni va ahamiyati
   

Hulosa

Foydalanilgan adabiyotlar

Kirish

Oliy ta’limda o’quv-tarbiya jarayoni o’ziga xos pedagogik ilmiy tadqiqot faoliyatidan iboratdir. Oliy ta’lim yoshlarni ilmiy tadqiqot ishlariga yo’naltirishda eng muhim bo’g’in hisoblanadi. Ta’lim amaliyotidan ma’lumki, o’quvchi talabalikka qabul qilingandan boshlab, har bir fanning ilmiy-nazariy asoslarini chuqur o’rganishi bilan birga kasb tayyorgarligiga alohida e’tibor qaratiladi.

«Kadrlar tayyorlash milliy dasturi» hamda «Ta’lim to’g’risida» gi qonun asosida O’zbekistonda amal qilinayotgan ko’p bosqichli ta’lim tizimida, jumladan, oliy ta’lim jarayonida yangi standartlar va dasturlarga asosan ta’limning eskirgan metodikalar bo’yicha olib borilishiga aslo yo’l qo’yib bo’lmaydi. Ta’lim tizimi tuzilishidagi keng qamrovli islohotlarni Respublika pedagoglari ilg’or pedagogik texnologiyalarni o’zlashtirish va o’quv jarayonida qo’llash bilan mustahkamlashlari zarur. Buning uchun o’quv jarayonini texnologik yondashuv asosida tashkil etishda talab yoshlarni integrativ bilimlar tizimi bilan qurollantirish, ularda ilmiy dunyoqarashni shakllantirish oliy ta’lim tizimi bosh maqsadidan kelib chiqqan, bajarilishi zarur bo’lgan asosiy vazifalaridan biri hisoblanadi.

Ta’lim texnologiyalari vositasida talaba - yoshlarni ilmiy tadqiqot ishlariga yo’naltirish quyidagi vazifalarni amalga oshirishni taqozo etadi:

- Kadrlar tayyorlash milliy dasturi maqsadi va vazifalarini ro’yobga chiqarish;

- Ta’lim-tarbiya va ilmiy tadqiqot ishlari jarayonida o’qituvchi va talabaning o’zaro pedagogik hamkorlik faoliyati samaradorligini oshirish;

- Barkamol avlodning ilmiy dunyoqarashini shakllantirish maqsadida ularga eng ilg’or bilim berish usuli hisoblangan ob’yektiv borliqqa tizimli yondashuv tamoyilidan foydalanish.

Bugungi davrga kelib, fan va texnikaning jadal rivojlanishi ilmiy axborotlar ko’lamining ko’payishiga olib kelmoqda. Bu esa, o’z navbatida, ilmiy bilimlar asosida shakllantirilgan o’quv fanlarining mazmuni yil sayin yangi bilim va tushunchalar bilan boyitib borilishi tufayli fan asoslaridagi o’quv materialining hajmi ortishiga sabab bo’lmoqda. Amaldagi o’quv mashg’ulotlari uchun ajratilgan vaqt me’yorlari esa katta hajmdagi o’quv materialining o’quvchilar tomonidan to’laqonli o’zlashtirilishiga imkon bermaydi. Demak, mavjud vaqt me’yorlariga amal qilgan holda o’quv materialining mazmunini o’quvchilarga etkazib berish uchun ta’limda yangicha yondashuv talab etiladi. Bunday yondashuv zamonaviy ta’limda fanlararo bog’lanish tarzida amalga oshirib kelinmoqda. Biroq bu metod ham mavjud muammoni to’la hal etib berolmasligi sababli boshqa metodlardan foydalanish ehtiyoji vujudga keldi. Bunda asosiy e’tibor o’quv materialining hajmi va mazmunini ixchamlashtirishga qaratilishi lozim.