Makroiqtisodiyot o`quv-uslubiy majmua

3.2- rasm. O`zbekiston Respublikasida ish bilan band aholi soni dinamikasi(ming kishi hisobida)<sup>7</sup>
2008-2016 yillarda O`zbekiston Respublikasida ish bilan band bo`lgan aholi soni 2263,0 ming kishiga yoki 20,5 foizga o`sgan.
Bozor islohotlari sharoitida mehnat resurslarining ish bilan bandligini ta‘minlash muammolari dolzarb tus oladi. Chunki mehnat resurslaridan samarali foydalanish orqaligina ijtimoiy-iqtisodiy taraqqiyotga erishish va aholi farovonligini ta‘minlash mumkin.
Bugungi kunda respublikamizdagi ustuvor yo`nalishlardan biri - aholi bandligini oshirish, ishchi kuchidan maqsadli foydalanish, foydali mehnatga layoqatli aholining ilmiy salohiyatini oshirishga qaratilmoqda. Ana shularni hisobga olgan holda, yuqorida ko`rsatib o`tilgan dasturiy chora-tadbirlarni amalga oshirishda Hukumatning asosiy e‘tibori aholi bandligini, eng avvalo, kasb-hunar kollejlari va oliy ta‘lim muassasalari bitiruvchilarini ishga joylashtirishni ta‘minlash uchun zarur shartsharoitlar yaratish bo`yicha ustuvor yo`nalishni amalga oshirishga qaratiladi. Birinchi navbatda, bu iqtisodiyot tarmoqlari va hududlarning ehtiyojini hisobga olgan holda, yangi ish o`rinlari tashkil etish bo`yicha har yilgi dasturlarni ishlab chiqishni ko`zda tutadi.

Nazorat uchun savollar

1. 
   Iqtisodiy tebranishlar nima sababdan yuzaga keladi?
   
2. 
   Iqtisodiy davrlar deb nimaga aytiladi?
   
3. 
   Qanday iqtisodiy davr fazalarini bilasiz?
   
4. 
   Ishsizlik tushunchasi
   
5. 
   Ishsizlik darajasi qanday aniqlanadi?
   
6. 
   Ishsizlik turlari sanang va mohiyatini izohlang.
   
7. 
   Ouken qonuniga ta’rif bering.
   

4-MAVZU. INFLATSIYA VA INFLATSIYAGA QARSHI SIYOSAT

Reja:
4.1. Inflatsiyaning mohiyati va hisoblanish usullari.
4.2. Inflatsiyaning turlari. Talab va taklif inflatsiyasi.
4.3. Inflatsiya va ishsizlik o`rtasidagi bog`liklik. Fillips egri chizig`i.