Makroiqtisodiy tahlil va prognozlash

Nazorat va muhokama uchun savollar.

1. 
   Davlat boshqaruv sektorlarini sanab bering.
   
2. 
   Kassa tamoyili nima.
   
3. 
   YAlpi va sof tushum, to‘lovlar deganda nimani tushunasiz?
   
4. 
   Konsolidatsiya nima?
   
5. 
   Davlat boshqaruv organlari operatsiyalari qanday tasniflanadi?
   
6. 
   Davlat daromadlari va transfertlarini izohlab bering.
   
7. 
   Davlat byudjetining tarkibiy tuzilishi.
   
8. 
   Soliq tizimi va uning iqtisodiy mohiyati.
   
9. 
   Davlat byudjetining shakllanish manba’larini aytib bering.
   
10. 
    Davlat byudjetining ijtimoiy sohaga sarflanishi haqida fikringiz.
    

6-bob. PUL-KREDIT SEKTORINING IQTISODIY TAHLILI
§6.1. Pul-kredit sektorining boshqa makroiqtisodiy hisoblar bilan o‘zaro aloqasi
Pul-kredit sektori to‘lov balansi bilan hisobot ma’nosida bog‘liq, chet el aktivlari va pasivlari summasining o‘zgarishi orqali va DMS – davlat boshqaruv organlarining bank tizimiga sof qarzi orqali. Biroq pul-kredit obzori (tizimi) bilan milliy daromad va mahsulot o‘rtasidagi bog‘liqlik o‘rtacha hisoblanadi: iqtisodiyotda likvidlik zahirasining o‘zgarishi mamlakat iqtisodiyotida ishlab chiqarish va daromadlar hajmining o‘zgarishiga olib keladi. Milliy daromad va xarajatlarning o‘zgarishi esa import talabi va eksport taklifiga ta’sir qiladi. Bu esa o‘z navbatida sof tashqi aktivlar summasining o‘zgarishiga va nihoyat, pul massasiga ikkilamchi ta’sir ko‘rsatishi mumkin.