Makroiqtisodiy tahlil va prognozlash

§5.2. “Davlat boshqaruv organlari” tushunchasiga izoh
“Davlat Moliya Organlari - bo‘yicha rahbariyati”ning boshidayoq davlat boshqaruv organlari funksiyalariga izoh beriladi: imtiyozli bozor xizmatlarni taklif qilish yo‘li bilan davlat siyosatini olib borish va daromadlarni, asosan, boshqa sektorga solingan soliq hisobidan qayta taqsimlash.

Davlat sektori, funksiyalari ushbu izohga mos keluvchi tuzilmaviy birliklarni o‘z ichiga oladi. Davlat boshqaruv sektorlari quyidagilardan iborat:

• 
  huquqiy jihatdan butun davlat hududida kuchga ega bo‘lgan markaziy hukumat;
  
• 
  davlat hududining bir bo‘lagida markaziy hukumatga bog‘liq bo‘lmagan holda vakolatga ega bo‘lgan shtatlar, viloyatlar, xududlar hokimiyati;
  
• 
  turli kichik ma’muriy birliklar hududida mustaqil vakolatga ega bo‘lgan mahalliy boshqaruv organi;
  
• 
  faqat davlat hududida soliqqa tortish va davlat xarajatlari sohasidagi ba’zi funksiyalarni bajaruvchi har qanday milliy boshqarmalar.
  

Ijtimoiy ta’minot fondlari, yuqorida izohlangan ko‘rinishda davlat sektoriga tegishli bo‘ladi Ularga markaziy hokimiyat yoki davlat boshqaruv sektorining alohida sub’ektlari sifatida emas, balki bu fondlar amal qiladigan darajadagi davlat boshqaruv organlari (DBO) sifatida, davlat boshqaruv organlari darajasiga tegishli bo‘lgan tashkilotlarga, ularning bir bo‘lagi sifatida qaraladi. Bunday tashkilotlarga misol tariqasida davlat boshqaruv organlarining nashriyotchilik xizmatlari, jamoatchilik binolaridagi davlat oshxonalari, shuningdek davlat sektoridagi ishchilarga ijaraga beriladigan turar joylarni olish mumkin.