Маккажухори зараркунан. Microsoft Office Word doc

         Oq jo’xori tripsi (Anaphothrips flavicinctus Karny.) 

Zarari. Bu zararkunanda ba’zan juda ko’p  miqdorda  makkajo’xoriga va 

ayniqsa  oq  jo’xoriga  hujum  qiladi,  u  o’simliklar  bargi  qinining  shirasini  so’rib 

yashaydi.  Masalan,  ayrim  barglar  qinidan  bu  hasharotning  yuzlarcha,  hatto 

minglarcha  nusxasi  topilgan.  Trips  tushgan  o’simlikning  o’sishi  shubhasiz 

susayadi, barglari burishib qoladi. 

Tarqalishi. Bu zararkunanda hozircha O’zbekistonning Buxoro, Andijon, 

Farg’ona  va  Toshkent  viloyatlaridagina  uchraydi,  ammo  Markaziy  Osiyoning 

boshqa  joylarida  ham  ko’p  bo’lishi  shubhasizdir.  Jo’xori  tripsi  Yava,  Seylon 

orollarida va Avstraliyada ham bo’ladi. 

Ta’rifi.  Oq  jo’xori  tripsining  bo’yi  0,99—1,2  mm  bo’lib,  tanasi  cho’ziq, 

tusi  qo’ng’ir  qornining  uchinchi,  to’rtinchi  va  beshinchi  segmentlari  va  oyoqlari 

och-sariq,  qanoti  oqish-kul  rang  bo’ladi;  oldingi  qanotining  oldingi  uzunasiga 

ketgan  tomirida  5—6  tuk  keyingi  tomirida  7—10  ta  tuk  bo’ladi;  sakkizinchi 

segmentining keyingi chetida mikroskopik tishcha bor.