Maket Akusherlik 2013. pmd

Nazorat uchun savollar

1. Oraliq yirtilishi, sabablari va darajalari.

2. Oraliqning yirtilgan joyini choklash ketma-ketligi.

3. Qinning yirtilishi, darajalari, choklash.

4. Bachadon bo‘ynining yirtilish darajalari.

5. Bachadonning yorilishi va turlari.

---

297

XXV BOB. CHILLA DAVRI SEPTIK

KASALLIKLARI

CHILLADAGI SEPTIK KASALLIKLARNI KELTIRIB

CHIQARUVCHI SABABLAR

Chilladagi septik kasalliklar tug‘ruq vaqtida paydo bo‘lgan jaro-

hat yuzalari orqali mikroblar kirishi natijasida kelib chiqadi.

Chilladagi septik kasalliklarning ko‘proq uchraydigan sababchi-

lari stafilokokklar bilan streptokokklar, goho-goho ichak tayoq-

chasi, gazli gangrena tayoqchalari va boshqa mikroblardir. Chilladagi

septik kasalliklarni ko‘pincha mikroblarning bir turi (monomikrob

infeksiya), ba’zan esa mikroblarning har xil turlari (polimikrob

infeksiya) vujudga keltiradi.

Mikroblar odam organizmida (ayniqsa terisida, ochiq shilliq

pardalarida va hokazo) doim mavjud bo‘ladi-yu, odatdagi sharoitda

kasallik chaqirmaydi.

Mikroblar organizmga jarohat orqali kirganda kasallik ro‘y beri-

shi mumkin. Yo‘ldosh ko‘chgandan keyin bachadonning ichki

yuzasi, hatto normal tug‘ruqda ham bachadon bo‘yni, qin va ora-

liqning shilinishi, yorilishi va chaqalanishi infeksiya kiradigan

yo‘llar hisoblanadi.

Patologik tug‘ruqda (ayniqsa, operatsiya qilib tug‘dirishda) keng

va chuqur shikastlar vujudga keladi, shu munosabat bilan septik

infeksiya mikroblarining organizmga kirish xavfi ko‘payadi.

Mikroblar jarohat yuzasiga tashqaridan kiradi (ekzogen infek-

siya) yoki ayol organizmida yashirin holda saqlanib, infeksiya

(mikroblar) jarohatga tushadi (endogen infeksiya) va rivojlanadi.

Ekzogen infeksiyada mikroblar sterillanmagan qo‘l, asboblar,

parvarish buyumlari, kiyim-kechak va tug‘ruq yo‘llariga ishlatiladi-

gan boshqa buyumlar orqali kiradi; havo-tomchi yo‘llari orqali

yuqadigan infeksiya katta xavf tug‘diradi. Endogen infeksiyada mik-

roblar jarohatga qindan, tashqi jinsiy organlardan o‘tadi, ba’zan

uzoqdagi infeksiya o‘choqlaridan (masalan, tomoqdan) metastaz

yo‘li bilan kiradi.

---

298