Maket Akusherlik 2013. pmd

Septik abortning

 klinik manzarasi murakkabligi va og‘ir o‘tishi

bilan farq qiladi. Bemorlar ahvoli og‘ir, uyqusi buzilgan, ishtahasi

yo‘qolgan, tili quruq, terisi rangsiz, ko‘pincha sarg‘ish yoki za-

faron bo‘ladi.

Septik abortning ilk belgilari shuki, ayol qaltiraydi, harorati

ko‘tariladi va pulsi ancha tezlashib, haroratga mos kelmaydi.

Ko‘pincha tromboflebitlar ro‘y beradi, o‘pka, buyraklarda, teri

osti kletchatkasida va boshqa sohalarda metastatik absesslar paydo

bo‘ladi. Kichik chanoqda ro‘y-rost yallig‘lanish jarayonlari

bo‘lmasligi mumkin.

Infeksiyalangan abortni davolash akusher-ginekologning mu-

rakkab vazifasi hisoblanadi.

---

237

Infeksiyalangan abortli har bir ayolni kasalxonaga jo‘natish

kerak.

Og‘irlashmagan isitmali abortda antibiotiklar (antibiotikka sez-

girligi aniqlangandan keyin) yoki sulfanilamid preparatlar buyurila-

di, homila tuxumining qoldiqlari normal harorat qaror topganidan

5–6 kun keyin kyuretka yoki vakuum apparat bilan olib tashlanadi.

Ba’zi muassasalarda homila tuxumining qoldiqlari ayol stat-

sionarga kelgandan keyin darrov olib tashlanadi. Og‘irlashgan va

septik abortga konservativ davo qilinadi, jumladan antibiotiklar,

sulfanilamidlar, organizmni umuman mustahkamlaydigan, og‘riq-

ni bosadigan dorilar buyuriladi, bemor yaxshi parvarish qilinadi,

ovqatlantiriladi va hokazo.

Bunday hollarda homila tuxumi qoldiqlarining o‘zi tushishi

kutiladi, chunki bachadon bo‘shlig‘ining devorlarini qirish infek-

siyaning yanada tarqalishi nuqtayi nazaridan xavfli.

Ayolning hayoti uchun xavfli darajada ko‘p qon ketgandagina

bachadon qiriladi. Homila tuxumining infeksiyalangan qoldiqlarini

tezroq tushirish maqsadida bachadonning qisqaruvchanligini oshi-

radigan dorilar (xinin, pitutrin) buyuriladi.