qilgan holda ishlaydilar. Tug‘ruq zallari yaxshi tabiiy va sun’iy
24
yorug‘likka ega bo‘lishi, havo harorati 26 darajadan kam bo‘lmas-
ligi (albatta, termometr bo‘lishi kerak), eshiklari yopiq bo‘lishi
kerak.
Tug‘ruq blokida quyidagi xonalar bo‘lishini nazarda tutish kerak:
a) tuvaklarni yuvish va dezinfeksiyalash, kleyonkalarni yuvish,
dezinfeksiyalash va quritish xonasi;
b) yo‘ldoshni vaqtinchalik saqlash uchun muzlatgich turadi-
gan xona.
Individual tug‘ruq zalida kushetka, tug‘adigan ayol va tug‘ruq
qabul qilish uchun krovatlar, sterillangan bikslar qo‘yiladigan
o‘rindiq, asboblar uchun stol, dori-darmonlar va tibbiy asboblar
uchun javonlar, aylanadigan taburet, 1–2 ta stul, ko‘chma reflek-
tor, extiyot yoritgichlar, tomchilab quyish uchun shtativlar. Barcha
inventar oson ishlov beriladigan narsa bilan qoplangan bo‘lishi
lozim. Elektr so‘rg‘ich, narkoz apparati, chiqindi materiallarni
yig‘ish uchun 2 ta emallangan tog‘ora, qattiq inventar va jihozlarga
ishlov berish uchun dezinfeksiyalovchi eritma solingan qopqoq
bilan yopilgan emallangan raqamli idish, suv o‘tkazmaydigan
materialdan qilingan fartuklar ham bo‘lmog‘i lozim.
Dezinfeksiyalash uchun steril vetosh bir marta ishlatiladi,
so‘ngra u yuviladi, quritiladi va sterilizatsiya bo‘limiga topshiriladi.
Og‘riqsizlantirish va reanimatsiya yordami ko‘rsatish uchun zarur
barcha vositalar, veneseksiya, o‘mrov osti vena qon tomiri punksi-
yasi, spinal, epidural va peridural og‘riqsizlantirish uchun steril
to‘plamlar alohida saqlanishi kerak. Bundan tashqari likopcha, suv
termometri va qon guruhi hamda Solovyev uslubi bo‘yicha qon
mosligini aniqlash uchun Petri kosachalari (zardoblar yig‘masi muz-
latgichda saqlanadi), qon quyish uchun sterillangan sistema, Li-
Uayt bo‘yicha qonning ivish vaqtini tekshirish uchun 2–3 probirka,
qon olish uchun 5–6 ta flakonlar, shprislar, ninalar, yodning 5%li
spirtli eritmasi, 1%li yodonat yoki 70
0
, 96
0
li etil spirti bilan artil-
gan shisha flakonlar, qaychilar, yopishqoq malham (leykoplastir) va
chiqindilarni tashlash uchun idish ham zarur bo‘ladi.
Dori-darmonlar uchun javonning bir qavatiga qon ketishda
shoshilinch yordam ko‘rsatish uchun barcha zarur dorilar joylash-
tiriladi, ikkinchisiga – gestozlarda va uchinchisiga – yurak-qon tomir
sistemasi kasalliklari bo‘lgan ayollarda qon aylanishining buzilishida
ishlatiladigan dorilar qo‘yiladi. Stollarning biriga maxsus o‘rindiqlarga
sterillangan to‘shagichlar, tagliklar, doka shariklar, xalatlar, rezina
25
kateterlar solingan bikslar joylashtiriladi. Boshqa stolda 3 ta korn-
sang, 3–4 ta to‘g‘ri qisqich, uzun egilgan qaychilar, qin ko‘zgusi va
ko‘targich, katta kyuretka (tug‘ruqdan keyin bachadonni asboblar
yordamida tekshirish uchun), 1–2 ta Koxer qisqichi, 2–3 ta metall
kateterlar, steril shprislar, ninalar, yodning 5% li spirt eritmasi
yoki 1% li yodonat saqlanadigan yaxshi yopilgan keng bo‘yinli qora
shisha banka, 70
0
li spirt, sterillangan vazelin yog‘i bo‘lgan flakon,
steril matoga o‘ralgan kornsang solingan sterilizatorlar joylashtiriladi.
Stol va maxsus o‘rindiqlarga steril materiallar va tug‘ruq qabul qilish
uchun steril jamlanmalar solingan bikslar qo‘yiladi.
Tug‘ruq qabul qilish uchun kerak bo‘lgan jamlanma ichiga qu-
yidagilar kiradi:
a) tug‘adigan ayol uchun: ko‘ylak, to‘shaladigan kleyonka,
choyshab, kateter, mato shariklar;
b) doya uchun: xalat, qo‘lqop, qalpoqcha. Vrach va doya
uchun alohida toza respiratorlar;
d) yangi tug‘ilgan chaqaloq uchun kiyim va tagliklar.
Yangi tug‘ilgan chaqaloq uchun uydan olib kelingan kiyim-
kechak (paxtalik, toza, dazmollangan) yoki chaqaloqlar uchun
maxsus jamlanma ishlatilsa yanada yaxshi bo‘ladi.
Kindikka birlamchi ishlov berish uchun jamlanma 2 ta qisqich,
qaychi, steril shariklardan tashkil topadi.
Kindikka ikkilamchi ishlov berish uchun jamlanma qaychi,
qisqichlar, Rogovin qisqichi, 2 dona diametri 1 mm va uzunligi
1,5 sm bo‘lgan iðak ligatura yoki steril rezina halqalar, steril
shariklardan iboratdir.
Tuqqan ayol uchun jamlanma quyidagilardan iborat:
– bachadon bo‘ynini tekshirib ko‘rish uchun jamlanma (keng
uzun plastinkasimon akusherlik ko‘zgulari, katta ko‘targich, 3 ta
abortsang, 1 ta kornsang, 1 ta Koxer qisqichi);
– bachadon bo‘yni, qin, oraliq yirtilishini tikish uchun
to‘plam (igna ushlagich, qaychilar, pinsetlar, bachadon bo‘ynini
ushlash uchun qisqich, oynalar); rezinali vakuum ekstraktori.
Yig‘malar miqdori tug‘ruq blokida bir sutka davomida o‘rta
hisobda nechta tug‘ruqlar qabul qilinishiga bog‘liq bo‘ladi.
Do'stlaringiz bilan baham: 
