Сақлагич (23-расм) пистолет билан муомала қилиш хавфсизлигини таъминлаш учун хизмат қилади. Сақлагич қуйидагиларга эга:
қуролни ўт очиш ҳолатидан сақлаш ҳолатига ва акс ҳолатга ўтказиш учун мўлжалланган байроқча;
сақлагични тегишли ҳолатда тутиб туриш учун тутқич;
сақлагич сақлаш ҳолатига келтирилаётганида шептало бурилиши ва тепки жанговар ҳолатдан халос бўлиши учун токчали ўйиқ йўнилган ўқ;
сақлагич сақлаш ҳолатига келтирилаётганида затворни рамка билан бекитиб қўйиш учун мўлжалланган қирра;
сақлаш ҳолатида тепкини ҳаракатсизлантириш учун мўлжалланган тирноқ;
сақлагич сақлаш ҳолатига келтирилаётганида тепки зарбасини тўсиш учун мўлжалланган бўртиқ.
Сақлагич затвордаги уяга ўрнатилади
Целик нил билан биргаликда мўлжалга олиш учун хизмат қилади. Ўзининг асосида затвор кўндаланг қўйилган.
Қайтариш пружинаси (24-расм.) ўт очилганидан сўнг затворни олдинги ҳолатга қайтариш учун мўлжалланган. Пружина учларидан бирининг дастлабки ўрами қолган ўрамларга нисбатан кичикроқ диаметрга эга. Пистолет қисмларга ажратилаётган фурсатда пружина учиб чиқмай жойида қолиши учун қурол қайтадан йиғилаётган пайтда, ствол устига айни шу учи билан кийдирилади.
Ствол устига кийдирилган пружина ствол билан биргаликда затвор каналининг ичига жойлаштирилади.
Зарбдор тепки мезанизимини (25-расм.) тепки, пружина билан биргаликдаги шептало, жанговар ҳолатга келтириш ричаги билан биргаликдаги ўт очиш тортқиси, ўт очиш илгаги, жанговар пружина ва жанговар пружина сурмасидан иборат.
Тепки (26-расм.) зарб бергичга зарб бериш учун хизмат қилади. Тепки қуйидагиларга эга: устки қисмида тепкини қўл билан жанговар ҳолатга келтириш учун хизмат қиладиган кертикли каллак;
олд юзасида жанговар ҳолатдан халос этилаётган тепкининг эркин юришини таъминлаш учун ўйма;
сақлагич тирноғи учун ўйиқ;
тепки асосида иккита ўйиқ:
жумладан устки ўйиқ сақловчи ҳолат;
пастки ўйиқ жанговар ҳолат;
ён томонларида рамканинг тепки ва шептало цапфалари учун мўлжалланган цапфа уяларида тепки айланадиган цапфа ҳамда вазнини енгиллаштириш учун йўнилган ёйсимон ўймалар;
ўнг томонда тепкини ричаг воситасида жанговар ҳолатга келтириш учун мўлжалланган ўзини ўзи жанговар ҳолатга келтириш тирноғи;
чап томонда тепкини сақлагич воситасида ҳаракатсизлантириш учун мўлжалланган бўртиқ;
қуйи қисмида жанговар пружинадаги энли перо учун ўйилган жой; тепки асоси қуйи қисмининг ўнг томонида - жанговар ҳолатга келтириш ричагининг кичик тирсаги жойлашиши учун ҳалқасимон ўйиқ.