6.3. Саноат биноси қурилишини ташкил этиш ва режалаштириш Саноат қурилишида асосий ҳажмий-режалаштириш ечими - цехлари блоклар кўринишида бўлган бир қаватли бинолар мажмуи ҳисобланади. Уларни улушига барча қурилаётган саноат корхоналарининг 2/3 қисми тўғри келади.
Кўп қаватли саноат бинолари корпуслари қурилишини ташкил қилишга келганда эса, уларни барпо қилиш ҳусусиятлари юқорида кўриб чиқилган кўп қаватли уй-жой бинолари қурилишининг ҳусусиятларига айнан ўҳшаш бўлади.
Аниқ бир саноат объекти қурилишини ташкилий жихатдан лойиҳалашда кўп сонли омилларни ҳисобга олиш лозим. Уларнинг асосийлари қуйидагилар:
юк кўтарувчи конструкцияларининг схемаси;
бино конструкцияларининг материали;
бинонинг қаватлари сони;
тархдаги шакли ва ўлчамлари;
қурилишнинг белгиланган муддатлари;
табиий - иқлимий шароитлар;
ишларни бажаришнинг мавсумийлиги;
ишларнинг эришилган технологик ва ташкилий даражаси;
ихтисослашганлик даражаси.
Бундан ташқари, қулочларининг ўлчами, бинонинг баландлиги, кўприк кранларининг юк кўтариш қобилияти, йиғма элементларининг максимал массасига кўра саноат бинолари: енгил, ўрта ва оғир турларга бўлинади.
Енгил турдаги бир қаватли саноат биноларига текистил саноатнинг механойиғиш, ишлаб чиқариш цехлари, омборхона бинолари ва бошқалар киради. Бундай биноларнинг асосий кўрсаткичлари қуйидагича: қулочлари - 12...18 м; кўприк кранларнинг юк кўтарувчанлиги: агар улар мавжуд бўлса – 5т гача; устунларининг массаси 5 т гача; фермалар, тўсинларининг массаси - 11 т, ёпма плиталарининг массаси - 7 т гача. Бундай биноларнинг режалаштириш ва конструктив ечимлари бир хиллиги билан ажралиб туради.
Ўрта турдаги саноат биноларига машинасозлик, пўлат қуйиш, қурилиш индустрияси турли тармоқларининг цехлари киради. Бундай биноларнинг асосий кўрсаткичлари қуйидагича: қулочлари - 18..30 м; баландлиги- 18 м гача; кўприк кранларининг юк кўтарувчанлиги -50 т гача; устунларининг массаси - 12 т гача; фермаларининг массаси- 30 т гача. Бундай биноларнинг режалаштириш ва конструктив ечимлари нисбатан бир хил. Лекин, бинонинг айрим қулочлари турли кранга оид юклар ва баландликларга ҳам эга бўлиши мумкин. Бу эса йиғма конструкциялар тўпламига маълум ҳилма- хиллик киритади.
Оғир турдаги саноат биноларига оғир машинасозлик, тоғ-металлургия ва бошқа металлургия саноатининг цехлари киради. Бундай биноларнинг ўзига хослиги қулочлари, баландлигининг ва кранга оид юкларнинг ҳилма-хиллигидадир. Бундан келиб оғир турдаги бино корпуслари ва қулочлари конструкцияларининг материаллари ва массалари турлича бўлади, шу билан бирга ишлар ҳажмларининг тақсимлашини ҳам нотекислиги билан ажралиб туради. Оғир турдаги саноат биноларининг асосий кўрсаткичлари қуйидагича: қулочлари - 24...48 м; баландлиги - 18,0 дан 65,0 м гача; кранга оид юклар - 300 т гача.
Бундай турдаги бинолар технологияга оид оғир асбоб-ускуналар билан жиҳозланган бўлади. Улар учун жуда бақувват, одатда, яхлит қуйма бетонли пойдеворлар, тоннеллар, коммуникацияга оид чуқурлар қурилади. Бу эса ўз навбатда цехларнинг анчагина катта қисмини эгаллайди. Шундай қилиб, оғир турдаги биноларининг ер ости қисмини қуриш унинг ер усти қисмини қуриш каби анча мураккаблиги билан ажралиб туради.
Саноат биноларини қуришнинг ташкил қилинишидаги ўзига ҳослик унинг қурилиш қисмини технологик асбоб-ускуналар ва муҳандислик жиҳозлари ва коммуникацияларини монтаж қилиш билан ўзаро боғланишларининг мураккаблигидир.
Бино қисмларини барпо қилиш кетма-кетлигини шундай лойихалаш лозимки, бунинг натижасида объект қурилишининг минимал давомийлиги таъминлансин. Бунга эришиш учун асбоб-ускуналари ва коммуникацияларини монтаж қилиш энг кўп вақт талаб қилинувчи цехларни биринчи навбатда барпо қилиш билангина эришиш мумкин. Қурилиш конструкциялари ва асбоб-ускуналарини монтаж қилиш бўйича оқимлар ривожланишининг йўналиши горизонтал, вертикал ва аралаш бўлиши мумкин. Асбоб-ускуналар ва қувур йўлларини монтаж қилиш схемаларини танлашда шундай йўналишни афзал кўриш лозим-ки, бунда битта технологик мажмуа, цех чегарасида ишга тушириш – созлаш ишларининг бажарилиши учун шароитлар тўлиқ яратилган бўлсин. Горизонтал схема бўйича асосан бинони монтаж қилиш ва асбоб-ускуналарни узатиш ишлари ривожланади.
Объектни фазовий қисмларга ажратиш оқим усулини ташкил қилишнинг зарурий шартидир. Бунда навбатдаги ихтисослашган оқимларга иш фронтни тақдим этиш таъминланди. Объект монтаж участкалари ва ишлаб чиқариш мажмуаларига ажратилади. Участка сифатида бир хил шароитлар мавжуд бўлган, бир хил иш услублари қўлланаладиган ва қурилиш ва монтаж жараёнларини ўзаро боғланиши амалга ошириладиган бинонинг қисми қабул қилинади. Ишлаб чиқариш мажмуаси - бу ўзаро хом ашёси ва олинадиган махсулотини ягоналиги билан боғлиқ бўлган технологик асбоб-ускуналар ва коммуникацияларнинг йиғиндисидир.
Ишларнинг жадаллиги бошқа мақсадлардаги ҳар қандай объектлар учун қабул қилинганидек мумкин бўлгани минимал ва максимал миқдорлар оралиғида бўлиши мумкин. Механизацияланган жараёнлар учун минимум сифатида бир сменада ишлайдиган машиналарнинг иш унумдорлиги қабул қилинса, қўл ишлари учун эса - ишчилар звеносининг бажара оладиган ишининг миқдори қабул қилинади. Максимал жадалликка иш фронтини уч сменада ишловчи машиналар комплекти билан таъминлаш орқали эришилади.
Қурилишнинг цикллари объектининг ҳарактерига боғлиқ равишда сони ва таркиби жиҳатидан ҳар хил қабул қилиниши мумкин. Аммо одатда, саноат бинолари қурилишида барча ишларини 4 циклга бўлиш қабул қилинган: I - цикл- ер ости қисмини қуриш; II - цикл- ер усти қисмининг қурилиши, иситиш тизимини ишга тушириш билан; III - цикл-қурилиш ишларини бажариш, шулар жумласидан пардозлаш ишлари ва барча турдаги монтаж ишларини бажариш билан; IV – цикл - асбоб-ускуналарни якка тартибда синаш ва ишга тушириш - созлаш ишларини бажариш.
Биноларни қуриш ва технологик асбоб-ускуналарни монтаж қилиш усуллари бино остига пойдеворлар қуриш ва асбоб-ускуналар ва этажерка остига пойдеворлар қуриш ишларини ўзаро бирлаштириш масаласини ечишга боғлиқ равишда фарқланади.
