Махсус таълим вазирлиги тошкент давлат иқтисодиёт университети

1.6. Бухгалтерия ҳисобини ташкил этишнинг хуқуқий-меъёрий асослари.
Мамлакатимизнинг субъектларида бухгалтерия хисоби 1996 йил 30 августида Ўзбекистон Республикасининг Президенти томонидан тасдикланган "Бухгалтерия ҳисоби тугрисида"ги Ўзбекистон Республикасининг конунига асосланиб ташкил этилади. Қонуннинг 9-моддасига кўра³ бухгалтерия ҳисоби ва молиявий ҳисоботни тартибга солиш, бухгалтерия ҳисоби стандартларини ишлаб чиқиш ва тасдиқлаш Ўзбекистон Республикаси Молия вазирлигининг зиммасига юклатилади.
Бухгалтерия ҳисобини юритиш қоидалари бухгалтерия ҳисоби стандартлари, шу жумладан кичик тадбиркорлик субъектлари учун соддалаштирилган бухгалтерия ҳисобини юритиш стандарти билан белгиланади.
Бюджет ташкилотларининг ҳамда давлат мақсадли жамғармаларининг бухгалтерия ҳисоби ва молиявий ҳисоботини тартибга солиш бюджет ҳисоби стандартлари ҳамда бошқа қонун ҳужжатлари асосида амалга оширилади.
Банклар ва бошқа кредит ташкилотларининг бухгалтерия ҳисоби ҳамда ҳисоботини тартибга солиш Ўзбекистон Республикаси Марказий банки томонидан қонун ҳужжатларига мувофиқ амалга оширилади.
Бу Конунга кура Республикамизнинг субъектларида бухгалтерия хисоби ва ҳисоботини тартибга солиш, бухгалтерия хисобининг стандартларини ишлаб чикиш ва тасдиклаш Республика Молия вазирлиги томонидан амалга оширилади. Бухгалтерия хисобини юритиш тартиби эса меъёрий ҳужжатларда келтирилган тегишли коидаларига асосланади. Шу жумладан кичик ва хусусий тадбиркорлик субъектлари учун бухгалтерия хисобини соддалаштириб юритиш стандарти хам, бухгалтерия хисобининг миллий стандартлари билан белгиланади.
Бухгалтерия хисобини юритишнинг ушбу коидалари бу борадаги жахон стандартларига мосланган булиб, ривожланган бозор иктисодиёти шароитидаги мамлакатларнинг субъектларида юритилаётган бухгалтерия хисоби ва ҳисоботи учун зарур булган энг асосий тамойиллари концепцияларини мамлакатимизнинг субъектларида жорий этишга каратилган.
Умуман олганда, ривожланган мамлакатларда хозирги пайтда бухгалтерия хисобининг 20 дан ортик тамойиллари мавжуд.