Махсус таълим вазирлиги самарқанд давлат университети

Takrorlash uchun savollar va topshiriqlar:

1. 
   Ishlab chiqarish omillari nimalardan iborat?
   
2. 
   Kapital tushunchasiga ta’rif bering va uning tarkibiga nimalar kirishini tushuntirib bering.
   
3. 
   Ishlab chiqarish jarayonining mazmunini va uning ikki tomonini tushuntiring.
   
4. 
   Ishlab chiqarishning umumiy va pirovard natijalarini tushuntirib bering.
   
5. 
   Yaratilgan mahsulotning natural va qiymat tarkibi nimalardan iborat?
   
6. 
   Zaruriy va qo’shimcha mahsulot nima, qo’shimcha mahsulot normasi va massasi formulasini yozib tushuntiring.
   
7. 
   Qo’shilgan mehnat, qo’shilgan kapital va qo’shilgan mahsulot tushunchalarini izohlab bering.
   
8. 
   So’nggi qo’shilgan mehnat va kapital unumdorligining pasayib borish qonunining mohiyati nima va u hozirgi davrda amal qiladimi?
   

MAVZU: MULKCНILIK MUNOSABATLARI VA MULK.
SAVOLLAR:
1.Xo’jalik faoliyatining umumiy tavsifi. Iqtisodiy sistemalar va ularning turlari.
2 Mulkchilik munosabatlarining mohiyati va iqtisodiy mazmuni. Mulk obyektlari va subyektlari.
3. Mulkchilikning turli shakllari va ularning iqtisodiy mazmuni.

4. O’zbekistonda mulkni davlat tasarrufidan chiqarish va

xususiylashtirish maqsadi, yo’llari va usullari

1.Xo’jalik faoliyatining umumiy tavsifi. Iqtisodiy sistemalar va ularning turlari.
Har bir davrda va makonda amal qilayotgan iqtisodiy munosabatlar majmuasi – iqtisodiyotni tashkil qilish shakllari, xo’jalik mexanizmi va iqtisodiy muassasalar bilan birgalikda iqtisodiy tizimni tashkil qiladi.
Iqtisodiy nazariyada ko’pincha iqtisodiy tizim tushunchasini ishlab chiqaruvchi kuchlarning rivojlanish darajasi bilan bog’lab turkumlashga harakat qilinadi. Shu asosda dunyodagi rivojlangan mamlakatlar iqtisodiy tizimining uchta nusxasiga kiritiladi: an’anaviy iqtisodiyot, ma’muriy buyruqbozlik iqtisodiyoti va bozor iqtisodiyoti tizimlari.