Махсус таълим вазирлиги самарқанд давлат университети

Лаборатория ишларини ташкил этиш бўйича кўрсатмалар

Фан бўйича лаборатория ишлари намунавий ўқув режада кўзда тутилмаган.

Курс ишини ташкил этиш бўйича услубий кўрсатмалар

Курс ишларининг намунавий мавзулари мазкур дастурда кўрсатилган мавзулар мазмуни асосида белгиланиб, уларни бажариш бўйича услубий маслаҳатлар ва адабиётлар рўйхатини ўз ичига олган мустақил услубий қўлланма сифатида тайёрланади. Курс ишини бажаришда танланган мавзунинг долзарблиги, унда ёритиладиган масалаларнинг давр талабига мослигига эътибор қаратиш, курс ишини бажариш ва расмийлаштириш бўйича қўйилган талабларга амал қилиш, унда янги қонун ва ҳукумат қарорлари, Ўзбекистон Республикаси Президенти асарлари, иқтисодиётда эришилаётган ютуқларни акс эттирувчи статистик ва бошқа маълумотлардан кенг фойдаланиш лозим. Курс иши мавзулари сонини ҳар бир талаба учун 4-5 та миқдорда тайёрлаш тавсия этилиб, муайян шароитларни ҳисобга олган ҳолда уларнинг таркибига ўзгартиришлар киритилиши мумкин. Курс иши таркиби кириш, 4 ёки 5 та савол, хулоса ва таклифлар ҳамда иловалардан иборат бўлиб, умумий ҳажми 35-40 бет бўлиши тавсия этилади.

Мустақил таълимни ташкил этишнинг шакли ва мазмуни

Талаба мустақил таълимнинг асосий мақсади - ўқитувчининг раҳбарлиги ва назоратида муайян ўқув ишларини мустақил равишда бажариш учун билим ва кўникмаларни шакллантириш ва ривожлантириш.

Талаба мустақил ишини ташкил этишда қуйидаги шакллардан фойдаланади:

• 
  айрим назарий мавзуларни ўқув адабиётлари ёрдамида мустақил ўзлаштириш;
  
• 
  берилган мавзулар бўйича ахборот (реферат, тақдимот) тайёрлаш;
  
• 
  назарий билимларни амалиётда қўллаш;
  
• 
  махсус адабиётлар бўйича фаннинг бўлим ёки мавзулари устида ишлаш;
  
• 
  талабаларнинг ўқув-илмий тадқиқот ишларини бажариш билан боғлиқ бўлган фаннинг бўлим ва мавзуларини чуқур ўрганиш;
  
• 
  кейс-стадилар ва ўқув лойиҳаларини мустақил бажара олиш;
  
• 
  фаол ва муаммоли ўқитиш услубидан фойдаланиладиган ўқув машғулотларини ўзлаштириш;
  
• 
  илмий мақола, тезислар, турли илмий анжуманларга маъруза тайёрлаш ва ҳ.к.
  

Мустақил ишни ташкил этиш бўйича услубий кўрсатма ва тавсиялар, кейс-стади, вазиятли масалалар тўплами ишлаб чиқилади. Унда талабаларга асосий маъруза мавзулари бўйича амалий топшириқ, кейс-стадилар ечиш услуби ва мустақил ишлаш учун вазифалар белгиланади.