Махсус таълим вазирлиги мирзо улуғбек номидаги

3-МОДДА 
Ҳар бир инсон яшаш, эркин бўлиш ва шахсий дахлсизлик ҳуқуқларига 
эгадир. 
 
4-МОДДА 
Ҳеч ким қулликда ѐки эрксиз ҳолатда сақланиши мумкин эмас; қуллик 
ва қул савдосининг барча кўринишлари тақиқланади. 
 
5-МОДДА 
Ҳеч ким қийноққа ѐки шафқатсиз, ғайриинсоний ѐки қадр-қимматни 
хўрловчи муомала ва жазога дучор этилмаслиги керак. 
 
6-МОДДА 
Ҳар бир инсон қаерда бўлишидан қатъи назар, ўзининг ҳуқуқ субъекти 
сифатида тан олинишига ҳақли. 
 
7-МОДДА 
Барча одамлар қонун олдида тенгдир ва ҳеч бир тафовутсиз қонун 
билан тенг ҳимоя қилиниш ҳуқуқига эгадир. Барча одамлар ушбу 
Декларацияга зид бўлган ҳар қандай камситишдан ва шундай камситишга 
ундайдиган ҳар қандай гиж-гижлашдан тенг ҳимоя қилиниш ҳуқуқига 
эгадир. 
 
 

---

111 
8-МОДДА 
Ҳар бир инсон унга конституция ѐки қонун орқали берилган асосий 
ҳуқуқлари бузилган ҳолларда нуфузли миллий судлар томонидан бу 
ҳуқуқларнинг самарали тикланиши ҳуқуқига эга. 
 
9-МОДДА 
Ҳеч ким асоссиз қамалиши, ушланиши ѐки қувғин қилиниши мумкин 
эмас. 
10-МОДДА 
Ҳар бир инсон ҳуқуқ ва бурчларини белгилаш ва унга қўйилган 
жиноий айбнинг қанчалик даражада асосли эканлигини аниқлаши учун тўлиқ 
тенглик асосида унинг иши ошкора ва адолат талабларига риоя қилинган 
ҳолда мустақил ва холис суд томонидан кўриб чиқилиши ҳуқуқига эга. 
11-МОДДА 
1. Жиноят содир этганликда айбланган ҳар бир инсон ҳимоя учун барча 
имкониятлар таъминланган ҳолда, очиқ суд мажлиси йўли билан унинг айби 
қонуний тартибда аниқланмагунча айбсиз деб ҳисобланишга ҳақлидир. 
2. Ҳеч ким, содир этилган вақтда миллий қонунлар ѐки халқаро 
ҳуқуқларга кўра жиноят деб топилмаган хатти-ҳаракати ѐки фаолиятсизлиги 
учун жазога ҳукм қилиниши мумкин эмас. Шунингдек, жиноят содир этилган 
вақтда қўлланиши мумкин бўлган жазога нисбатан оғирроқ жазо берилиши 
мумкин эмас. 
12-МОДДА 
Ҳеч кимнинг шахсий ва оилавий ҳаѐтига ўзбошимчалик билан 
аралашиш, уй-жойи дахлсизлигига, унинг ѐзишмаларидаги сирларга ѐки 
унинг номус ва шаънига ўзбошимчалик билан тажовуз қилиниши мумкин 
эмас. Ҳар бир инсон худди шундай аралашув ѐки тажовуздан қонун орқали 
ҳимоя қилиниш ҳуқуқига эга. 
13-МОДДА 
1. Ҳар бир инсон ҳар бир давлат доирасида эркин юриш ва яшаш жойи 
танлаш ҳуқуқига эга. 
2. Ҳар бир инсон ҳар қандай мамлакатдан, хусусан ўз мамлакатидан 
чиқиб кетиш ва ўз мамлакатига қайтиб келиш ҳуқуқига эга. 
14-МОДДА 
1. Ҳар бир инсон таъқиб туфайли бошқа мамлакатлардан бошпана 
излаш ва ўша бошпанадан фойдаланиш ҳуқуқига эга. 
2. Бу ҳуқуқдан носиѐсий жиноят содир этиш учун ѐки Бирлашган 
Миллатлар Ташкилотининг мақсад ва принципларига зид хатти-ҳаракат 
туфайли таъқиб пайтида фойдаланиш мумкин. 
15-МОДДА 
1. Ҳар бир инсоннинг фуқаро бўлиш ҳуқуқи бор. 
2. Ҳеч ким ўзбошимчалик билан ўз фуқаролигидан ѐки ўз 
фуқаролигини ўзгартириш ҳуқуқидан маҳрум қилиниши мумкин эмас.