Махсус таълим вазирлиги мирзо улуғбек номидаги

трансформация
қилинди. Оқибатда реципиент бактерия ҳам донорга ўхшаш муайян 
антибиотик ёки пестицидга чидамлилик хусусиятига эга бўлади. 
Рекомбинант кДНК яратиш ва уни клонлаштириш ва ундаги донор 
генни вектор орқали реципиент организмга трансгеноз қилиш соҳасида ген 
инженерияси қатор ютуқларга эришди (илова – 89-расм). Бунинг тасдиғи 
сифатида ген инженериясининг одамларда кўп тарқалган диабет касалини 
даволовчи инсулин дорисини ген инженерияси методи ёрдамида синтез 
қилиш йўлга қўйилганлигини келтириш мумкин.
Энди одамдаги инсулин моддасини синтезловчи генни прокариот 
организм бўлган ичак таёқчаси бактерияси 
E.coli
га ўтказиб трансгеноз 
қилиш методи билан мукаммал танишамиз. Бу жараён қуйидаги тўртта 
босқич орқали амалга оширилади (илова – 90-расм): 
1) Одам инсулинини синтезловчи генни организмдан ажратиб олиш. 
Ушбу босқич прокариотларникига нисбатан анчагина мураккаб методлар 
орқали амалга оширилади. Бунинг учун қуйидаги методлардан муайян 
тартибда фойдаланилади: 1) Биринчи метод уч босқичда амалга 
оширилади: а) инсулин оқсилини синтезловчи орган бўлмиш ошқозон ости 
безида синтезланган иРНК молекуласидан мумкин қадар кўпроқ ажратиб 
олинади; б) тескари скриптаза ферменти ёрдамида бу иРНК андозаси 
негизида комплементар ДНК яъни кДНК синтезланади. кДНК донор 
организми ДНКсидаги генларининг иРНК кодланган қисмини ўзида 
кодлаган бўлади; в) кДНК рестриктаза ферменти таъсирида кўп қисмларга 
бўлинади. Эритмада шундай ҳолатга келтирилган кДНК плазмида - 
векторлар ДНКси билан интеграция қилинишга тайёр ҳисобланади. 
2)
Векторлик вазифасини бажарувчи плазмиданинг ҳалқасимон 
шаклдаги ДНКси рестриктаза ферменти таъсирида бир жойидан узилиб 
узунчоқ ҳолатга келтирилади. Шундай ДНКга эга бўлган плазмида 
векторлик вазифасини бажаришга тайёр ҳисобланади. 
3) Рекомбинант (дурагай) ДНКни яратиш. Бунинг учун донор 
организмнинг парчаланган кДНКси жойлашган эритмага ДНКси узунчоқ 
ҳолатга келтирилган плазмидалар ҳамда кДНКнинг парчаланган бўлак-
ларини плазмида ДНКларига улайдиган лигаза ферменти қўшилади. 
Шундай шароитда плазмидалар ДНКси рекомбинация жараёнида кДНК 
парчаларини лигаза ферменти ёрдамида улаб рекомбинант (дурагай) ДНК 
молекулалари ҳосил қилинади. Шундай ҳолатда ўзининг ДНКсида кДНК 
парчаларига эга бўлган плазмидалар ҳосил бўлади. Уларни иккита гуруҳга 
бўлиш мумкин. Уларнинг биринчи гуруҳи ҳақиқий рекомбинант кДНКли 
плазмидалар. Улар ДНКсига трансгеноз қилиниши керак бўлган ген 
жойланган кДНК бўлаги жойлашган бўлади. Иккинчи гуруҳи қалбаки 
рекомбинант ДНКли вируслар. Уларда кДНКнинг ўша ген жойлашмаган 

---

328 
бўлаги уланган бўлади. Ҳақиқий (дурагай) кДНК вазифасини биринчи 
гуруҳга мансуб плазмидалар бажаради. 
4) Рекомбинант кДНКнинг одам инсулин оқсилини синтезловчи гени 
жойлашган қисми ичак таёқчаси бактерияси (
E.coli
) генотипига ўтказилиб 
уланади ва унинг фаолияти учун зарур шароит яратилади. Натижада 
E.coli
нинг трансгеноз штамми яратилади ва у лаборатория шароитида одамга 
хос инсулин оқсилини синтезлай бошлайди (илова – 91-расм). 
Ген инженерияси методларининг жадал ривожланиши натижасида 
баъзи ҳайвонлар (сичқон, қуён) нинг ва одамнинг кўп оқсил генларининг 
ҳамда рибосома ва транспорт тРНК генларининг клонлари олинди. Одамда 
ген инженериясини қўллаш соҳасидаги тадқиқотлар натижасида одамнинг 
инсулин (диабетни даволайди), ўсиш гормони (паканаликни даволайди), 
интерферон (вирус қўзғатадиган касалликларни даволайди), сунъий 
синтезлаш йўли билан одамларнинг В – гепатит деб номланган сариқ 
касаллига қарши ишлатиладиган вакцина генларини клонлаштириб, одам-
нинг ичакларидаги фойдали ичак таёқчаси бактериялари генотипига 
ўтказилди ва бу генларнинг экспрессияси яъни муайян оқсилни лабора-
тория шароитида синтез қилишига эришилди. Ген инженерияси методи 
билан олинган бу физиологик фаол дори препаратлардан инсулин 
клиникада синалиб тиббиёт саноати даражасида ишлаб чиқариш йўлга 
қўйилди. Ўсиш гормони, интерферон, В гепатитига қарши вакцина 
клиникада ишлатилмоқда. Одамнинг А ва В деб ифодаланган гемофилия 
касали генларининг клонлаштириш босқичи самарали амалга оширилди. 
Ген инженерияси маданий ўсимликлар генетикасида ҳам қўлланилиб 
уларнинг хўжаликда аҳамиятли белгилари генларини ажратиб олиб 
клонлаш орқали уларнинг ноёб генлари банкини яратиш бўйича самарали 
тадқиқот олиб борилмоқда. Ген инженерияси методи билан гербицидларга, 
зарарли ҳашаротларга, шўрхокликка чидамли, юқори ҳосил берувчи 
ўсимлик навларини яратиш бўйича тадқиқотлар ривожлантирилмоқда. Бу 
соҳада амалга оширилаётган тадқиқотларнинг моҳияти билан 1984 йилда 
Америка олими Мари-Делл Чилтон амалга оширган илмий ишлари 
натижаси мисолида танишамиз (илова – 92-расм). Унинг тажрибаларида 
тамаки ўсимлигининг гербицидга чидамлилик генини гербицидга 
чидамсиз навга трансгеноз қилинди. Бунинг учун Чилтон тажрибалари 
қуйидаги молекуляр генетик жараёнлар орқали амалга оширилди. 
Тажрибадаги тамаки навининг гербицидга чидамлилик генини ажратиб 
олиб ичак таёқчаси (
E.coli
) бактерияси плазмидасига жойлаб уни клонлаб 
кўпайтирилди. 
Agrobacterium tumefaciens
бактерияси плазмидаси ёрдамида 
унга бегона бўлган ген уларнинг ҳужайраларига ўтказилади. 
Шундай шароитда ҳосил бўлган рекомбинант плазмида гербицидга 
чидамсиз нав ўсимлиги ҳужайрасига киритилди. Уларнинг авлодлари 
сунъий тайёрланган селектив озиқа шароитида кўпайтирилди, баҳоланди 
ва танлов асосида уларнинг орасидан гербицидга чидамли рекомбинант 
ўсимликлар ажратиб олинди. Ген инженерияси соҳасидаги тадқиқотлар-

---

329 
нинг жадал ривожланиши натижасида яратилган молекуляр генетик наза-
рия ва тадқиқот методлари такомиллашди.