Махсус таълим вазирлиги мирзо улуғбек номидаги

X б о б
.
ИРСИЯТ ВА ИРСИЙЛАНИШНИНГ МОЛЕКУЛЯР
ГЕНЕТИК АСОСЛАРИ 
Организмлардаги ирсият ва ирсийланиш мураккаб молекуляр-
генетик жараёнлар мажмуаси орқали амалга оширилади. Уларни функция-
ларига биноан қуйидаги босқичларга бўлиш мумкин. 
1)
Ген, генетик ахборот ва унинг ДНК молекуласида жойланиши. 
2)
Генетик ахборотнинг келгуси авлодларга берилиши. ДНКнинг 
репликацияси ва сегрегацияси. 
3)
Генетик ахборотнинг реализацияси – оқсилнинг синтезланиши. 
Транскрипция, рекогниция ва трансляция. 
4)
Структуравий генлар фаолиятининг бошқарилиши – регуляцияси. 
5)
Генотипнинг белгилар фенотипи тариқасида намоён бўлиши. 
Энди бу босқичларда намоён бўладиган молекуляр-генетик жараён-
лар билан танишамиз. 
X.1. Нуклеин кислоталарининг структуравий ва 
функционал характеристикаси 
Биокимё курсидан маълумки нуклеин кислоталари ўзининг 
структураси ва функциясига қараб иккита гуруҳга бўлинади.
1) Дезоксирибонуклеин кислоталари. Уларни қисқартириб ДНК 
белгиси билан ифодаланади. 
2) Рибонуклеин кислоталари. Уларни қисқартириб РНК белгиси 
билан ифодаланади. РНК асосан уч хил кўринишда бўлади: а) 
информацион РНК (иРНК) ёки матричная (мРНК); б) транспорт РНК 
(тРНК); в) рибосомал РНК (рРНК). 
Молекуляр генетика далилларига биноан ДНК молекуласи барча 
эукариот ва аксарият прокариот организмларда уларнинг белги ва 

---

292 
хусусиятларининг келгуси авлодларга ирсийланиши ва ривожланишини 
таъмин этувчи генетик ахборот нуклеотид триплетлар-кодонлар жойла-
шиш тартиби орқали ифодаланган биополимер ҳисобланади. Рибонуклеин 
кислоталари келгуси авлодларга ирсийланган генетик ахборотнинг 
фенотип тарзида намоён бўлишини таъмин этиш функциясини бажаради. 
Информацион иРНК ДНК молекуласида жойлашган генлар кодининг 
копиясини ўзида ифодалаш, уларни рибосомаларга етказиш ва ушбу ген 
(генлар) оқсилини биосинтез қилинишини таъмин этиш функциясини 
бажаради. Транспорт тРНК эса цитоплазмадаги аминокислоталарни 
рибосомаларга етказиш функциясини бажаради. Рибосомал рРНК нинг ҳам 
оқсил биосинтезида иштирок этиши ҳақида баъзи далиллар олинган. 
Энди нуклеин кислоталарининг структураси ва функцияси ҳақида 
мукаммал маълумот берамиз.