Махсус таълим вазирлиги мирзо улуғбек номидаги

Селекцияда аллополиплоидиядан фойдаланиш. 
Маълумки алло-
полиплоидия ҳодисаси селекцияда жуда катта ижобий натижалар беради. 
Бунда асосан узоқ турларни чатиштириш методи хизмат қилади. Бу эса 

---

499 
кўпинча вегетатив йўл билан кўпайтириш мумкин бўлган мевали ўсимлик-
ларнинг янги формаларини олишда фойдаланилади. Селекцияда аллополи-
плоидиядан фойдаланиш полиплоид организмларнинг афзалликларини 
комбинатив ўзгарувчанлик билан уйғунлаштириш имконини беради. 
Масалан, академик В.Е.Писарев буғдой (2n= 42) ва жавдар (2n=14) ни 
чатиштириш натижасида 
Triticale
номли (
Triticum
-буғдой, 
Secale
-жавдар) 
амфидиплоид (2n=56) яратди. 
Triticale
ўсимликлари ноқоратупроқ ерларда 
яхши ўсади, буғдой каби оқсилни кўп миқдорда тўплаб, занг ва ун 
шудринг касалликларига чидамли бўлади. М.Ф.Терновский тамакининг 
икки турини ўзаро чатиштириб 
Nicotiana tabacum
x
N.glutinosa
амфидиплоид олди. Бу амфидиплоид асосида тамакининг касалликларга 
чидамли ва бошланғич турларга хос бўлмаган ўзгача ҳидга эга бўлган янги 
навларни яратди. 
Академик Н.В.Цицин собиқ Иттифоқнинг Осиё региони, хусусан, 
Сибирнинг совуқ иқлимига бардош берадиган совуққа чидамли ғалла 
навларини яратиш устида ишлаган. Бунинг учун у буғдойнинг узоқ қарин-
доши буғдойиқдан фойдаланишга аҳд қилган. 
Буғдойиқ – табиатнинг ноёб яратган инъоми. Кўп йиллик буғдой-
иқнинг айрим формалари совуққа чидамли бўлиш билан бирга битта 
бошоғида 70 тагача бошоқчалари бор, ваҳоланки, маданий буғдойларда бу 
рақам 25-30 га тенг. Агарда бундай ҳар бир бошоқчада етук дон етилса – 
нақадар тугалмас имконият очилади. Ҳосилдорликнинг икки ҳисса ортиши 
юзага келиши мумкин. 
Н.В.Цицин буғдой билан буғдойиқни ўзаро чатиштириб ҳосилдор-
лиги юқори ва эректоидли буғдой-буғдойиқ дурагайларини олишга муяс-
сар бўлди. Бундай дурагайлар 142-расмда (иловада) келтирилган. Н.В. 
Цициннинг ишларини унинг шогирдлари давом эттирмоқда. Н.И.Вавилов, 
Н.В.Цицин каби олимлар халқ хизмати йўлида генетика фанининг чексиз 
имкониятлари борлигига ишонч ҳосил қилган эдилар. 
Буғдой ва ғўзада табиий, сунъий аллополиплоидия ҳақидаги 
мукаммал маълумот XIII бобда келтирилган. 
Шундай қилиб, селекцияда ирсий ўзгарувчанликнинг комбинатив ва 
мутацион типидан фойдаланилади. Танлов учун ўзгарувчанликнинг у ёки 
бу типини ишлатиш объектнинг биологияси ва селекционер-олим олдига 
қўйилган мақсадлар билан белгиланади.