Махсус таълим вазирлиги мирзо улуғбек номидаги

XI
.
2
.
Хромосома ва ҳужайра инженерияси
 
Генетик инженериянинг мазкур методларининг моҳияти одатда 
умумий (классик) генетикада қўлланиладиган қуйидаги генетик ва 
цитогенетик методларники кабидир: 
1)
Хромосоманинг донор ген жойлашган таркибий бўлагининг реци-
пиент организмига рекомбиногенез ва транслокация орқали ўтказиш 
методи;
2)
Донор ген жойлашган хромосомани бутунлигича моносомик 
линиялардан фойдаланиб реципиент организмга ўтказиш методи; 
3)
Ҳужайра инженерияси методи. 
Энди молекуляр генетиканинг умумий генетика билан ҳамкорликда 
хромосома ва ҳужайра инженерияси соҳасидаги тадқиқотлари натижаси 
ҳақида маълумот берамиз. 
XI.2.1. Хромосома инженерияси 
Хромосома инженерия методини ўзбекистонлик олим академик 
В.А.Струнников шогирдлари билан ипак қуртида жинсни бошқариш 
муаммосини ҳал қилишда самарали қўллади (93-расм). У ўз тажрибаларида 
мутагенез методи билан ипак қуртининг аутосома (жинсий бўлмаган 
хромосома) да жойлашган қора ранг синтезланишини таъмин этувчи ген 
жойлашган бўлагини экспериментал транслокация методи билан жинсий 
хромосомага ўтказди. Бунинг натижасида яратилган ипак қурти зотидаги 
келгусида урғочи ипак қурти чиқадиган тухумларнинг ранги қора, эркак 
ипак қурти чиқадиганлари одатдагидек оч сариқ рангда бўлишига 
эришилди. 
Уларни 
махсус 
фотоэлементли 
мослама 
ёрдамида 
тухумларнинг рангига қараб урғочи ва эркак чиқадиган тухумларга 
ажратилди. Саноат миқёсида кўпайтириш учун эркак ипак қуртлари 
кўпайтирилади. Чунки улар 20- 25% кўп ва сифатлироқ тола берар эканлар. 
Бундай натижанинг генотипик асоси қуйидагидан иборат. Ипак қуртларида 
одам ва дрозофиладан фарқли ўлароқ урғочи организм гетерогамет (ZW), 
эркак организм гомогамет (ZZ) бўлади. Уларда қора ранг синтезлайдиган 
ген рецессив хусусиятга эга. Бу геннинг фаолият кўрсатиши учун у 
урғочиларда гемизигота, эркакларда эса гомозигота ҳолатида бўлиши 
керак. Шунинг учун бу геннинг аллеллари (А-a) бўйича уларда жинсий 
хромосомалар генотипи ҳар хил бўлади. Урғочи организмларда Z 
хромосома битта бўлганлиги учун ундаги рецессив ген гемизигота (ёлғиз) 
“а” ҳолатида бўлганлиги учун тухумга қора ранг беради. Эркак организм-
ларда эса Z хромосома иккита бўлганлиги учун бу рецессив ген 
гетерозигота (Аа) ҳолатда бўлади. Уларда қора ранг берувчи рецессив ген 

---

330 
“а” фаолият кўрсатмайди. Шунинг учун уларнинг тухум ранги қора эмас, 
балки оч сариқ ҳолатда қолади. Бу метод классик генетикада