Махсус таълим вазирлиги мирзо улуғбек номидаги

альтернатив сплайсинг
деб аталади. Бошқача қилиб айтганда пре-иРНК 
даги экзонларнинг одатдаги тартибда ва ўзгарган тартибда уланиши 
натижасида ҳар хил оқсил синтезланиши мумкин. Одатдаги иРНК да фақат 
генетик ахборотга эга бўлган нуклеотидлар тартиби жойлашган бўлади. 
Альтернатив бўлмаган сплайсинг баъзи пре-тРНК ҳам пре-рРНК ларда ҳам 
содир бўлиб бунинг натижасида тРНК ва рРНК ҳосил бўлиши кўрсатилган. 
Интронларнинг сплайсинги махсус фермент баъзан ферментлар гуруҳи 
томонидан амалга оширилади; 
2) Пре-иРНК нинг икки томонида жойлашган генетик ахборотга эга 
бўлмаган 
спейсерлар
деб аталувчи нуклеотидлар тартиби ҳамда бошқа яна 
кўп ахборотсиз қисмлари махсус ферментлар ёрдамида кесиб олиниб 
ташланади. Бу жараён процессингнинг иккинчи таркибий қисмини ташкил 
қилади.
Эукариот организмлар ҳужайрасининг ядросида синтезланган пре-
иРНК рибонуклеопротеидлар тарзида цитоплазмага ўтади. Цитоплазмада 

---

310 
сплайсинг - процессинг жараёнлари натижасида пре-иРНК тайёр ва актив 
ҳолатдаги иРНК га айланади. иРНК ҳужайрадаги барча РНК ларнинг фақат 
5% ни, тРНК эса 10% ва рРНК 85 фоизни ташкил этади. Улардаги рРНК 
лар уч хил бўлади: рРНК
1
, рРНК
2
ва sРНК. Улар пре-рРНК дан ҳосил 
бўладилар ва рибосоманинг катта ва кичик суббирликларига жойлашади. 
Шундай қилиб, транскрипция ва процессинг натижасида синтезланган 
иРНК, тРНК ва рРНК лар фаол яъни оқсилни синтезлаш функциясини 
бажаришга тайёр ҳолатда бўлади. 
Транскрипция ва процессинг натижасида рибонуклеин кислота 
(иРНК, тРНК ва рРНК) лар биосинтез қилиниши организмлар генетик 
ахбороти реализациясининг биринчи муҳим босқичи ҳисобланади. 
X.4. Генетик код ва оқсилларнинг биосинтези 
 
X.4.1. Генетик код. 
Генетик ахборот реализациясининг иккинчи, ҳал қилувчи босқичи 
бўлган трансляция жараёнининг молекуляр механизмини аниқлашда 
генетик ахборотнинг ДНК молекуласида кодланиш қонуниятларининг 
кашф этилиши катта аҳамиятга эга бўлади. 
Генетик код
деб оқсил 
молекулалари таркибидаги полипептид занжирларида аминокислота-
ларнинг ўзаро боғланиб жойлашиши тартибининг ДНК молекуласидаги 
нуклеотидларнинг жойлашиш тартиби билан белгиланишига айтилади. 
Код сўзи кибернетик атама бўлиб ахборотни ҳарфлар билан ёзишдан шу 
ахборотнинг ўзини бошқа белгилар, масалан телеграммада ишлатилувчи
Морзе алифбо (нуқта, тире) си билан ёзишга ўтишликни билдиради. 
Молекуляр генетиканинг асосчиларидан бўлган Д.Уотсон ва Ф.Крик ДНК 
молекуласининг қўшалоқ спирал структураси моделини яратгандан кейин 
генетик кодга оид қуйидаги фикрни илмий башорат тариқасида таклиф 
қилган эдилар. ДНК молекуласида нуклеотидлар тартиби шаклида 
кодланган генетик ахборот оқсил полипептид занжирида жойлашиши 
керак бўлган аминокислоталар тартибини белгилайди. Генетик код иРНК 
молекуласи структураси ва функциясини тадқиқ қилиш натижасида 
аниқланди. ДНК даги генетик ахборотнинг транскрипция орқали иРНКга 
кўчирилиши билан биз танишдик. Бу соҳадаги кенг кўламда олиб борилган 
молекуляр генетик тадқиқотлар натижасида генетик коднинг қуйидаги 
муҳим белгилари аниқланди: 
1) Генетик коднинг асосида ирсий бирлик триплетлар - кодонлар 
ётади. Муайян аминокислотанинг полипептид занжирига уланишини 
таъмин этиш функциясини ДНК молекуласининг полинуклеотид 
занжирида жойлашган учта нуклеотиддан иборат