Махсус таълим вазирлиги мирзо улуғбек номидаги

плазмогенлар
деб, уларнинг йиғиндиси 
плазмон
ёки 
плазмотип
деб 
юритилади.
X.2.1. ДНК молекуласининг репликацияси ва сегрегацияси 
Генетик ахборотнинг келгуси ҳужайра ва организмлар авлодларига 
берилиши ДНК молекуласининг репликация (ауторепродукция)си ва 
хромосомаларнинг сегрегацияси орқали амалга оширилади. ДНК 
репликацияси натижасида янги ҳосил бўлган ДНК ларнинг кейинги авлод 
ҳужайра организмларга берилиши ушбу биополимернинг иккинчи 
функцияси ҳисобланади. ДНК нинг биринчи функцияси, юқорида баён 
этилганидек ўз структурасида генетик ахборот – генларнинг кодланишини 

---

296 
таъмин этишдир. Репликация натижасида битта ДНК дан бир-бирига ҳамда 
бошланғич ДНК га айнан ўхшаш иккита ДНК ҳосил бўлади. ДНК нинг 
репликацияси ҳужайранинг ўзида ДНК тутувчи барча органоидлари 
(хромосома, пластида ва митохондрия) да кечади. Эукариотларда реплика-
ция ҳужайранинг ҳар қайси митоз ва мейоз бўлинишидан олдин, бакте-
рияларда эса танаси ҳужайранинг ҳар қайси бўлиниши олдидан такрор-
ланади. Бундан кейин янги синтезланган ДНК молекулалари хромосомалар 
таркибида уларнинг сегрегация жараёни орқали бўлиниш натижасида янги 
ҳосил бўлган ҳужайралар ядросига тенг миқдорда тақсимланади. 
Эукариот организмларда сегрегация ҳужайранинг икки хил усулда 
бўлиниб кўпайиши (митоз ва мейоз) орқали амалга ошади. (Бу ҳақда 
мукаммал маълумот V бобда келтирилган). Бактерияларда сегрегация улар 
ҳужайраларининг бўлиниши жараёнида ҳосил бўлган янги ҳужайраларга 
тенг тақсимланади. Организмлар жинсий усулда кўпайганда ирсий ахборот 
мейоз йўли билан ҳосил бўлган гаплоид (n) сондаги кариотипга эга бўлган 
макро ва микрогаметалар орқали берилади. Уларнинг қўшилиши 
(уруғланиши)дан ҳосил бўлган зиготада ота-она генетик ахбороти 
жамланади. Организмлар жинссиз йўл билан кўпайганда ирсий ахборот 
келгуси авлодларга митоз йўли билан ҳосил бўлган диплоид (2n) сондаги 
хромосомага эга бўлган соматик ҳужайралар орқали берилади. Кўп 
ҳужайрали организмларнинг зиготадан бошланган онтогенез даврида 
ҳосил бўлган барча янги ҳужайраларга зиготадаги генетик ахборот митоз 
жараёни орқали одатда тўлиқ берилади. Энди репликация ва сегрегация 
жараёнларининг молекуляр асоси билан танишамиз.