Махсус таълим вазирлиги мирзо улуғбек номидаги

58-расм.
 
Ирсийланишда ядро ва цитоплазманинг аҳамиятини
кўрсатувчи тажриба схемаси. 
(
иссиқлик таъсир эттириш методи билан тут ипак қуртида
диплоидли андроген индивидларнинг олиниши). Сh – личинканинг 
қора ранги, сh – cариқ ранг, pM – капалакларнинг қора ранги, р – оқ, 
Ml – қуртларнинг кул ранги, ml – оқ. 

---

226 
Натижада ривожланган барча индивидлар эркак (ZZ) жинсли бўлган ва ота 
организми рецессив генлар бўйича гомозигота бўлганлиги сабабли улар 
ҳам рецессив белгиларга эга бўлганлар. Бошқача қилиб айтганда 
андрогенетик ипак қуртлари пайдо бўлган (58-расм). 
Бу тажрибанинг натижаси ирсийланишда ядроларнинг етакчи роль 
ўйнашлигининг тўғридан-тўғри исботи ҳисобланади. 
Организм турлари ядроларини ўзаро алмаштирилгандаги 
ирсият.
Бунга мисол қилиб Г.Геммерлинг томонидан бир ҳужайрали яшил 
сув ўтлари 
Acetobularia
туркумига оид иккита тур устида ўтказган 
тажрибасини келтириш мумкин. Ҳар икки турга мансуб ўсимликлар бир 
ҳужайрали бўлсаларда, содда кўп ҳужайрали ўсимлик танасини эслатувчи 
поясимон, илдиз (ризоид) симон ва гулни эслатувчи салласимон қисмларга 
эга. Уларнинг ядроси танасидаги ризоидлардан бирида жойлашган бўлади. 
Тажриба учун олинган турлар ўзаро саллаларининг шакли билан 
фарқланадилар. Масалан, 
А.mediterranea
турининг саллали қисми йирик ва 
унинг айвони кенг (59- расм, 1) 
A. wettsteinii
турининг эса саллали қисми 
кичик ва айвони тор (59-расм, 2) 
А.mediterranea
дан фақат поя қисми 
(ядросиз ва фақат цитоплазмадан иборат), 
A. wettsteinii
дан эса 
ҳужайранинг ядроси жойлашган ризоид қисми бир-бирига уланиб, ундан 
“терма” ҳужайра ўсиб ривожланади. Натижада “поя” учида салла ҳосил 
бўлиб унинг шакли тўлиқ 
A. wettsteinii
туриникига ўхшаш бўлган (59-расм, 
3). Бу тажриба ядронинг бегона плазмада салла қисмининг ривожланишига 
таъсир этишини кўрсатади.