Mahorat darsi hisoboti

Mahorat darsi hisoboti

Samarqand veterinariya meditsinasi instituti tarix fani o’qituvchisi Axmedov Shaxzod tomonidan 17 dekabr kuni Pastdarg’om tumanidagi 38-umumiy o’rta ta’lim maktabida Tarix fanidan mahorat darsi tashkil etildi. Mahorat darsida Pastdarg’om tumanidagi 4-8-20-30-32-35-36-37-38-40-41-44-46-47-50-51-52-53-54-55-56-57-63-85 maktablar va 1-IDUM dan jami 41 nafar tarix fani o’qituvchilari ishtirok etdi.

Mahorat darsi davomida Axmedov Shaxzod tomonidan maktablarda tarix fanini o’qitishda yangicha pedagogik texnologiyalarni qo’llash haqida taqdimot qilindi. Dars jarayonini joriy etishda va uning strukturasidan unumli foydalanishda o`quvchilar faolligini tashkil etish, tarix fanini o’qitishda xaritalardan foydalanish borasida tavsiyalar berildi.Shuningdek tarix fanini samarali o’qitishda yuzaga kelayotgan asosiy muammolar xususida o’qituvchilar bilan faol muloqot olib borildi. O’zaro muloqot davomida sinflarda o’quvchilar sonining ko’pligi bu esa yakka tartibda va guruh bo’lib ishlashdagi qiyinchiliklarni tug’dirishi, abiturientlarga faqat test bilan ishlash ko’nikmalarining berilayotganligi uchun o’quvchining tarixiy ma’lumotlar bo’yicha o’z fikrini bildirishda qiynalayotganligi haqida fikr-muloxazalar bildirildi.

Mahorat darsining yakunida Tarix fani o’qituvchilarining umumiy bilim darajasini aniqlash maqsadida 30 nafar o’qituvchidan anonim tarzda (javoblar varaqasiga ism va familiyalar kiritilmadi) fan yuzasidan DTM tomonidan tuzilgan test variantlari asosida test olindi.

Natijalar esa quyidagicha ko’rinish oldi:

54 % va undan past– 15 nafar

55 % -70% - 8 nafar

71 % - 85 % – 4 nafar

86 % va undan yuqori – 3 nafar