Махматқулов турдимурод ёғоч конструкциялари

3.10-расм. Елимланган бирикмалар.

3.11-расм.Тахталарни қийиб ва тишли бириктириш.
Елимланган чокларда намликни нотекис тақсимланиши натижасида ички кучланишлар пайдо бўлади. Шу сабабли, тўғри чизикли ва эгри чизиқли бирикмалар тайёрлашда тахталарнинг қалинлиги ва намлигига асосийэътибор берилади [5].

3.6. Елимланган металл стерженли бирикмаларни ҳисоблаш

Ҳозирги вақтда ёғоч конструкциялар тайёрлаш учун фойдаланиладиган материаллар сарфини камайтириш, уларни мустаҳкамлигини ошириш мақсадида самарадор елимланган металл стерженли бирикмалардан кенг фойдаланилмоқда. Стерженлар учун диаметри 12-32 мм оралиқда бўлган А-II ва А-III синфидаги арматуралар қўлланилади (3.12-расм).
Арматураларни чокларга елимлаш учун элементларнинг кесим юзала-
рида чуқурчалар тайёрланади ва уларнинг диаметри стерженнинг диаметрига боғлиқ бўлади. Елимланадиган стерженларнинг узунликлари l=(10…30)d оралиғида бўлади. Чокларда стерженларни яхши елимланиши учун нормага асосан, чуқурчаларнинг ўлчами стержен диаметридан 5мм катта қилиб тайёрланади [5, 8, 9].
Елимланган металл стерженли бирикмалардан хаво ҳарорати 35⁰С бўлган шароитда фойдаланиш тавсия этилди, ёғоч материалларнинг намлиги эса 12% дан ошмаслиги тавсия этилади.Олдиндан тозаланган металл стерженлар бўйлама, кўндаланг ва бурчак остида елимланади.
Елимланган стерженлар ўқлари орасидаги масофа толалар йўналиши бўйлаб S₂= 3·d ва четки қирраларгача бўлган масофа эса S₃=2·d га тенг қилиб қабул қилинади.
Елимланган металл стерженли бирикмаларни юк кўтариш қобилияти қуйидаги формуладан аниқланади:
T = l(d + 0,005)R_ёрk_ёр. (3,10)
бу ерда: d– стерженнинг диаметри, мм; l– стерженнинг узунлиги, мм;
R_ёр– ёғочнинг ёрилишдаги ҳисобий қаршилиги бўлиб, қиймати 2,9
МПа га тенг; k_ёр– кучланишни нотекис тақсимланишини эътиборга олувчи
коэффициент бўлиб, қиймати қуйидаги формуладан аниқланади:
k_ёр = (1,2 – 0,02)l / d . (3.11)
Охирги йилларда ёғоч конструкцияларнинг таянч қисмларида пайдо бўладиган эзилишларни олдини олиш мақсадида қия елимланган стерженлардан фойдаланилади. Стерженларнинг узунликлари кесим юзаларинингўлчамига мос равишда танланади.
Бирикмаларни мустаҳкамлигини таъминлашда елимланадиган стерженлар ва чуқурчалар орасидаги фарқни эътиборга олиш муҳим аҳамиятга эга.