Magnoliyatoifa-Magnoliophyta yopiq urug’lilar

Magnoliyadoshlar – Magnoliaceae oilasi. Oilaning 12 turkumga oid 240 ga yaqin turi mavjud.

• Ular hayot shakliga ko’ra daraxt. butalardan iborat. Oilada doimo yashil hamda barglari to’kiluvchi magnoliya turlari ham bor. Janubiy Amerikada o’suvchi magnoliyalar doimo yashil, Janubiy Osiyoda esa bargini to’kadi. Bu oilaning magnoliya-Magnoliya grandiflora va lola daraxti Liliodendron tulipifyera turlari O’zbekistonda, Markaziy Osiyo, Kavkazda manzarali daraxt sifatida o’stiriladi. Bu oilaga xos belgilarni yirik gulli magnoliya misolida o’rganamiz. Yirik gulli magnoliya- Magnolia grandiflora. O’simlikning bo’yi bizda 6 - 8 m, vatanida 30 m ga yetadigan, doim yashil daraxt hisoblanadi, vatani esa Xitoy, Yaponiya, Koreya va Shimoliy Amerikadir. Barglari oddiy, etli, chetlari tekis qirrali novdada navbatlashib joylashgan. Gullari yirik, oq, xushbo’y, nafis, limon hidini beruvchi, judayam chiroyli, aktinomorf, novdada bittadan joylashadi. Gul kattaligi 10 -25 sm ga yetadi.