Магнит майдонида зарядланган заррачаларнинг ҳаракати

масс-спектрометрлар анча сезгир бўлади. Ишлаш принципи бўйича улар статик ва динамикларга бўлинади. Статик масс-спектрометрларда ионлар вақт бўйича ўзгармайдиган электр ва магнит майдонларида ҳаракатланишади. Динамик масс-спектрометрларда ионларнинг солиштирма зарядлари турли усуллар билан аниқланадилар: уларнинг манбаадан коллекторгача учиб бериш вақт бўйича, ўзгарувчан электр ёки магнит майдонларида тебранишларининг даври бўйича, резонанс частоталарри бўйича ва х.к. Масс-спектрометрлар ва масс-спектрографлар физика, кимё, геология, ядро техникаси ва бошқа турли сохаларда кенг татбиқини топган. Масалан, улардан, кимё саноатида газ аралашмалари таркибини тезда тахлил қилишда, жараёнларни узиликсиз бошқаришда ва назорат қилишда, Ер ва планеталар атмосфераларининг таркибини ўрганишда, минералларнинг ёшини аниқлашда (радиоактив изотоплар ва уларнинг емирилиш махсулотларининг миқдорини ўлчаш йўли билан), кимёвий реакциялар кинетикасини тадқиқ қилишда (хусусан, эркин радикаллар концентрациясини ўлчашда) фойдаланилади.