Mag’liwmat

III. Sabaqti’ qurallandi’ri’w: Ko’rgizbeli qural, kespe qag’azlar, por, taqta, sabaqli’q, “Ha’zirgi qaraqalpaq tili, sintaksis”, slayd

IV. Sabaqti’n’ bari’si’:

1. Sho’lkemlestiriw. (1-2 minut)

2. Taza tema. (10-12 minut)

Qospa ga’ptin’ qurami’ndag’i’ jay ga’plerdi baylani’sti’ri’wshi’ grammatikali’q qurallar.

Qospa ga’ptin’ qurami’ndag’i’ jay ga’pler to’mendegi grammatikali’q qurallar arqali’ baylani’sadi’:

1. Da’nekersiz intonatsiya arqali’ baylani’sadi’: Gu’la’sen qonaq penen sestin shi’g’ari’p sa’lemlesti, Ernazar ku’lip iyegin qaqti’.

2. Da’neker ha’m da’nekerlik xizmettegi so’zler arqali’: Asqar a’tirapqa qaraydi’, biraq heshna’rse ko’rinbeydi.

Bala u’yine juwi’ri’p kelemen degenshe, avtolovka da u’ylerdin’ arti’ menen jaqi’nlap kelip qalg’an edi.

3. Bayanlawi’sh formalari’ arqali’ baylani’sadi’:

a) Da’slepki jay ga’ptin’ bayanlawi’shi’ hal feyil ha’m hal feyildin’ tirkewishli keliwi arqali’: Ay bati’p, qali’n’ tog’ayg’a qaran’g’i’li’q sho’kti.

b) Da’slepki jay ga’pinin’ bayanlawi’shi’ kelbetlik feyil, ha’reket ati’ feyilinin’ seplik qosi’mtali’ ha’m tirkewishli boli’p keliwi arqali’ baylani’sadi’: Suw keliwi menen bul jerler gu’l jaynap ketedi. A’liy ketiwden, Begis penen Mi’rji’q Aydosqa qaradi’.

d) Da’slepki jay ga’pinin’ bayanlawi’shi’ -sa/-se qosi’mtali’ sha’rt meyil arqali’ baylani’sadi’. Suw jerdin’ u’stine shi’qsa, Qi’zi’lqum i’rg’alg’an egislik boladi’.

4. Qatnasli’q so’zler arqali’ baylani’sadi’: Qospa ga’ptin’ qurami’ndag’i’ jay ga’plerdi bir-birine baylani’sti’ri’wshi’ da’nekerlik xizmettegi kim, ol, ne, sol, sonda, qaydan, sonnan, qanday, sonday, qay jerde, sol jerde, qalay, qansha, sonsha ha’m t.b. si’yaqli’ soraw, siltew almasi’qlari’, geypara ra’wishler qatnasli’q so’zler dep ataladi’. Qatnasli’q so’zlerdin’ soraw almasi’qlari’ arqali’ bildirilgen tu’ri bag’i’ni’n’qi’li’ qospa ga’ptin’ bag’i’ni’n’qi’ ga’pinde, siltew almasi’g’i’ ha’m ra’wish arqali’ bildirgen tu’rleri bas ga’pte qollani’lladi’: Kim jaman oqi’sa, sol jumi’s islep te jari’tpaydi’.