Magistrlik dissertasiyasi

Bob bo`yicha xulosalar.
Adabiyotlarda sport mashg’ulotlarining, uni davrlari, tayyorgarlik turlari, yuklamalarni tutgan o`rni, kattaligi shiddati damolish bilan navbatlashuvi, musobaqaoldi yuklamalarining tavsifi masalalarini tutgan o`rnini to`rt guruhga turkumlash o`rinli bo`ladi. Ular sport mashqlanishini tarixiga sport mashqlanishini davrlari va ularda yuklamalarni me’yorlash, hamda musobaqaoldi mikrosiklida yuklamalarning tutgan o`rnini ifodalovchi guruh adabiyotlar. Yana shuni aytish lozimki, o`tgan asrni ikkinchi yarmidan asosan 70-yillaridan keyin sport fiziologiyasi, bioximiyasi fanlari tomonidan olib borilgan tadqiqotlar xulosalari sport mashqlanishi nazariyasi va amaliyoti fanini boyitib jismoniy yuklamalarga organizmni moslashuvini fiziologik, bioximik asosalrini, ularga organizmni ko`nikish (adaptiv) reaksiyasi mexanizmlarini yuzaga kelishini asoslab berdi. Biologiya tibbiyot bioximiya fanlari xulosalariga asoslanib sport turlaridan mashg`ulot yuklamalarini rejalashtirish va o`tkazish ana shu tarkibda musobaqaoldi yuklamalari va ularni dam olish bilan navbatlashuvini almashlab borish zarurligini talab etadi.

1 Kurashni sportda takomillashuv guruhida shug`ullanuvchilarning musobaqaoldi mikrosiklida qo`llanadigan yuklamalar, ularni aerob anaerob quvvat hosil bo`lishiga yo`naltirilgan bo`lishini, buning uchun turli hajmli shiddatli yuklamalar o`rtasida dam olish muddatini kamaytirib borish bilan uyg`unlashtirish orqali erishiladi deb qat’iy xulosaga kelingan.

2 Ilmiy tadqiqot xulosalariga amal qilib tajribali murabbiylar tomonidan kurash mashg`ulotlarida yuklama va dam olishlarni me’yorlashtirishda o`z takomiliga yetgan tehnik taktik harakatlargina musobaqaoldi mikrosiklida yuklama va dam olish bilan me’yorlashsa samara berishi, sohaga doir adabiyotlarda o`z tasdiqini topgan.

3 Nafaqat kurash balki uni boshqa turlarida ham yangi tehnik taktik harakatlarni o`rganish, o`rgata boshlash deb vazifa qo`yib musobaqaoldi mikrosiklida bajarish tavsiya etilmaydi. Albatta ushbu ko`rsatma kurashni sportda tayyorgarlik guruhida shug`ullanuvchilar mustasno. Chunki, ular bilan mazkur mikrosiklda yoki tehnik harakatlardagi ayrim xatolar bartaraf etib boriladi. Bunday guruh shug`ullanuvchilar bilan nafaqat haftalik balki kunlik musobaqaoldi yuklamalariga jiddiy e’tibor qaratish zaruriyatiga adabiyotlarda ko`rsatmalar berilgan.

4 Adabiy manbalarga asoslanib musobaqaoldi tayyorgarligi bosqichlarining ratsional mikrotuzilmalari ishlab chiqishga kirishini taqazo etadi. Bunda kunlik va haftalik mikrosikllar jarayonidagi mashg`ulotlar izchilligi kurashchilar organizmining ichki muhiti hisoblangan gomestoezini ko`nikib borishi, bir yuklamadan keyin uni ta’sirot izi yo`qolmasdan navbatdagi yuklamani bajarishida A.Kerimov va Alixanov tavsiyalariga amal qilishlik nazarda tutiladi.