Магистратура бўлими қўлёзма асосида удк

Диссертация мавзусининг асосланиши ва долзарблиги. Организмда ҳосил бўладиган эрикин радикаллар ва уларнинг иштирокидаги реакциялар инсоннинг кўплаб касалликларини: шамоллаш, ички органлар касаллиги, онкологик, гематологик ва бошқа касалликларни келтириб чиқаришда, шунингдек, тананинг қаришида муҳим роль ўйнайди. Aнтиоксидантлар танадаги эркин радикалларнинг салбий таъсирини камайтиради, шунинг учун янги самарали антиоксидантларни излаш долзарбдир. Ҳозирги вақтда ўсимликлар ва улардан ажратиб олинган биологик фаол моддаларини антиоксидант хусусиятлари дунёда кенг тартибда ўрганилмоқда.
Тадқиқотнинг мақсади. Мармарак (Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмадан қайнатма тайёрлаш, унинг антиоксидант таъсирини турли тажриба моделларида ўрганиш ва организм учун безарарлилигини исботлашдан иборат.
Тадқиқот вазифалари:

• 
  Мармарак (Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмани лаборатория ҳайвонлари: оқ сичқонлар ва оқ каламушларда ўткир заҳарлилигини ўрганиш;
  
• 
  Мармарак (Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмани антиоксидант таьсирини ўрганиш;
  
• 
  Мармарак (Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмани антигипоксантлик таьсирини ўрганиш.
  

Тадқиқотнинг объекти сифатида Мармарак (Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмаси асосида қайнатма олинган.
Тадқиқотнинг предмети Мармарак(Salvia), Далачой (Hypericum), Лимонўт (Melissa) ўсимликлари ҳом ашёси асосида олинган йиғмасини антиоксидантлик таъсирини баҳолаш учун лаборатория ҳайвонлари – оқ сичқонлар ва оқ каламушлар олинган.
Тадқиқотнинг усуллари Тадқиқотларда фармакологик, биокимёвий, токсикологик ва статистик усуллардан фойдаланилган.