Маьрузалар курси

 
 
1. Электр токининг пировард иссиқлик таъсирига асосланган 
қурилмалар. Бу гурух қурилмаларига уй рўзғор қиздириш жихозлари, бевосита ва 
билвосита қиздириш қаршилик печлари, суюқлик ва газларни қиздириш қурилмалари - 
турли кўринишдаги электр қозонлари ва электрокалориферлар, шунингдек қиздирувчи 
элементлар вазифасини ишқорлар ѐки оксидлар эритмалари бажарувчи, электродли 
ванналар. 
Металларни электрошлак усулида қайта эритиш ва электрошлак усулида 
пайвандлаш қурилмаларинннг ишлаш принципи, электродлар орасидаги муҳитни 
(бўшлиқни) тўлдирувчи шлакларда электр токи таъсирида ажралиб чиқадиган иссиқлик 
энергиясидан фойдаланишга асосланади.
Контактли пайвандлаш қурилмаларида электр энергияси икки детальнинг 
туташ нуқталаридаги ўтиш қаршилигида иссиқлик энергиясига айланади. Ушбу жараѐн 
фақатгина токнинг импульсли режимида амалга оширилиб, мазкур кўринишидаги 
пайвандлаш қурилмаларининг схемаси ва электр таъминотининг ўзига хос 
хусусиятларини белгилайди. 
Индукцион қиздириш қурилмаларининг ишлаш принципи саноат частотаси ва 
ундан юқори частотадаги ўзгарувчан ток электр энергиясини аввал ўзгарувчан магнит 
майдон энергиясига, бу энергияни эса яна электр энергиясига ва сўнгра охирги 
кўринишдаги энергияни қиздирилувчи материалда иссиқлик энергиясига айлантиришга 
асосланади. Ушбу усулдан фақат ток ўтказувчан материалларни қиздиришда 
фойдаланилади.
Диэлектрик материалларни қиздиришда эса моддаларни поляризациялаш 
жараѐнида юқори частотали электр майдон энергиясини иссиқлик энергиясига 
айлантиришга асосланган қурилмалардан фойдаланилади.
Ишлаш принципи электр ѐйида ажралаѐтган иссиқликдан фойдаланишга 
асосланган қурилмаларга металларни ва ўтга чидамли материалларни эритиш, фосфор ва 
бошқа металларни олши учун белгиланган электр ѐй печлари ва руднотермик печлар, 
шунингдек металларни қайта эритиш ва рафинация қилиш учун белгиланган вакуум - ѐй 
печларини мисол қилиш мумкин. Бундай қурилмалар сифатида металл ва нометалл 
(металл бўлмаган) материалларга плазмали ва плазма ѐй усуслида ишлов берувчи 
қурилмаларни кўрсатиш мумкин. Мазкур қурилмаларда металларни қайта эритиш, 
юзаларга химоя қопламаларини бериш ва шу каби бошқа жараѐнларни амалга ошириш 
мумкин.

---

Электр ѐй пайвандлаш қурилмаларида ажралиб чиқаѐтган иссиқлик 
энегргиясининг асосий миқдори (қуввати) ѐйнинг т а я н ч нуқталарига (катод ва анод 
“доғ” ларига) тўғри келиши билан бирга электр ѐй пайвандлаш жараѐнининг боришига 
электр ѐйининг “устун“ қисми ҳам ўз таъсирини кўрсатади. 
Электрон - нурли ва лазер қурилмаларида иссиқлик энергияси разряд 
каналидаги суюқликдан катта кучдаги токнинг импульс режимида оқиши натижасида 
ажралиб чиқади.