Маданиятнинг барча ўзига хосликлари киради

Кийимлари.
Жанубий-Шарқий Осиёликлар кийимлари кўринишидан, безакларига қараб ранг-баранг бўлсада, ўзининг асосий жиҳатлари бўйича кўплаб умумийликка эга. Анъанавий кийим – тикилмаган. Хусусан Въетнамда анъанавий кийим – белбоғча бўлган. Ҳозирда кенг иштон устидан калта кўйлаклар ёки яхтаклар кийилади. Бошларида учли самондан қалпоқ, ҳам эркак ҳам аёллар оёқларида сандал бўлади. Ёқтирган ранглари оқ ва қора. Кейинги йилларда анъанавий кийимлар, аксари эркакларда таомилдан тез чиқмоқда.
Лаос – эркаклар кенг иштон, куртка ва сандал кийишади. Аёллар ўрама кийим кийишиб, белларини шарф билан боғлашади. Бошқаларига сомондан тўқилган ёки бамбукдан ясалган қалпоқ кийишган.
Таиланд – эркаклар кийимлари газламадан оёқлари атрофига ўраб, газламани бир учини оёқлари орасидан ўтказиб, ўзига хос шутон ҳосил қилишади. Аъанавий аёллар кийимлари ҳам газламани таналари атрофида юбкасимон кийим ясашади. Елкаларига ёпинчиқ ёки кофта кийилади. Теридан тикилган сандалларда юришади.
Бирма (Мьянма) – анъанавий кийимлари яхши сақланган. Мьянмаликлар ҳам ўрама кийимлар кийишади. Устидан олди очиқ кўйлак ёки калта куртка кийишган. Бошларида қалпоқ, оёқларида, сандал. Аёллари кийимлари ҳам шунга ўхшаш фақат улар кенгроқ.
Камбоджа - Газлама бўлаги сонлари теварагида айлантирилиб оёқлари орасидан ўтказилади. Нисбатан тор курткалар кийилади. Аёллар куртка ўрнига кофталар кийишади. Ҳозирги кунда саронг – малай ва индонезия аҳолиси кийими асоси сифатида кенг тарқалган. Узун газлама бўлаги тана теварагида айлантирилиб оёқлари орасидан ўтказилади. Бу яваликларда ўт кийими ҳисобланади. Овчи ва теримчилар кийимлари: белбоғча аёлларида ўсимлик толаларидан ёки газламадан калта юбкалардан иборат. (луб, дарахт пўстлоғи).
Оила ва оилавий муносабатлари
Овчилар ва теримчилик жамоаларида матрилокаль оила ва кўплаб архаик оилавий-никоҳ удумлари сақланиб қолган. Ҳудуддаги тараққий этган этносларда ҳам яқин-яқингача патриархал – оилалар бўлган улар эндиликда моногам оилаларга парчалана бормоқда. Оилавий – маиший муносабатларга дин кучли таъсир этмоқда. Ҳиндихитойда буддизм, Индонезия ва Малаккада ислом кенг тарқалган. Филиппинда христианликка 85 % аҳоли эътиқод қилади.