Madaniy meros obyektlarini muhofaza qilish va ulardan foydalanish to‘G‘risida

27-modda. Davlat mulkida turgan moddiy madaniy meros obyektini tekin foydalanishga berish
Davlat mulkida turgan moddiy madaniy meros obyekti tekin foydalanish shartnomasi shartlarida quyidagilarga berib qo‘yilishi mumkin:
moddiy madaniy meros obyektlarini saqlash maqsadida faoliyat yuritayotgan jamoat birlashmalariga;
bolalar jamoat birlashmalariga;
nogironlar jamoat birlashmalariga;
diniy tashkilotlarga.
Oldingi tahrirga qarang.
Moddiy madaniy meros obyektidan tekin foydalanish shartnomasi qonunchilikda belgilangan tartibda tuziladi va u moddiy madaniy meros obyektini saqlash bo‘yicha talablarni o‘z ichiga olgan bo‘lishi kerak.
(27-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)