Маҳалладаги хотин-қизлар фаолининг иш жараёнини самарали ташкил этиш юзасидан тавсиялар

III. ИШСИЗ ХОТИН-ҚИЗЛАРНИ КАСБ-ҲУНАРГА ЎҚИТИШ ЙЎНАЛИШИДА:
Хотин-қизлар ўртасида тадбиркорликни, ҳунармандчиликни ривожлантириш мақсадида маҳалладаги фаол тадбиркор ва ҳунармандларга 5-10 нафар ишсиз хотин-қизларни “Уста-шогирд” тамойили асосида бириктириб, “Лидер тадбиркорга 5 нафар ёш тадбиркор”, “Бир ҳунармандга 10 нафар шогирд” каби тамойилларни кенг тарғиб этади ва ташкил қилади.
Ушбу йўналишда белгиланган вазифаларни амалга оширишда маҳалладаги хотин-қизлар фаоллари сектор раҳбарлари, аҳоли бандлигига кўмаклашиш маркази, маҳалладаги ҳоким ёрдамчиси, хотин-қизлар тадбиркорлик маркази, тижорат банклари ходимлари билан ҳамкорликда ишлайди.
Ишсиз хотин-қизларни иқтидори ва қизиқишлари (масалан, ҳунармандчилик, касаначилик, тадбиркорлик ва бошқа мутахассисликлар бўйича) келиб чиқиб, мавжуд иш ўринларига ҳамда ўқиш ва касб-ҳунар ўрганиш истагида бўлганларини тегишли ўқув курслари (“Ишга марҳамат” мономарказлари, Хотин-қизлар тадбиркорлик марказлари, Савдо-саноат палатасининг тадбиркорликка кўмаклашиш марказлари, нодавлат таълим ташкилотлари ва бошқалар орқали)га йўналтиради. Кейинчалик уларнинг бандлиги таъминланганлигини мониторинг қилиб боради.
IV. ОҒИР ТУРМУШ ШАРОИТИДАГИ ХОТИН-ҚИЗЛАРНИ ҚЎЛЛАБ-ҚУВВАТЛАШ ЙЎНАЛИШИДА:
Хотин-қизларнинг муаммоларини ўз вақтида аниқлаш
ва “Аёллар дафтари”га киритилган хотин-қизлар билан манзилли ишлаш:

• ижтимоий, иқтисодий, ҳуқуқий, психологик қўллаб-қувватлашга, билим ва касб ўрганишга эҳтиёжи ва иштиёқи бўлган ишсиз хотин-қизларнинг муаммоларини аниқлаш, бартараф этиш ва назоратини олиб бориш бўйича чора-тадбирларни амалга оширишда “Аёллар дафтари” тизими асосида ишларни олиб боради;

• “Аёллар дафтари”га киритиладиган хотин-қизлар рўйхатини шакллантиради, бунда “Аёллар дафтари”га 30 ёшдан ошган 6 тоифадаги хотин-қизлар киритилишига аҳамият қаратади;

• хотин-қизларнинг мурожаатлари, шу жумладан, “Аёллар маслаҳат кенгаши”га мурожаат қилган хотин-қизларнинг муаммолари, эҳтиёжлари ва қизиқишларини ўрганади;

• туман (шаҳар) оила ва хотин-қизлар бўлимидан муҳтож хотин-қизларга тўланадиган бир марталик моддий ёрдамни ойма-ой тўлаш графиги нусхасини ҳамда тўланган бир марталик моддий ёрдам тўғрисидаги ёпилган ведомостнинг нусхасини олади;

• ҳудудидаги ижтимоий ҳимояга муҳтож, эҳтиёжманд хотин-қизларни аниқлаш мақсадида ҳар йили январь ойида уйма-уй юриш орқали оилаларни ижтимоий ҳолатини ўрганади ҳамда ўрганиш натижаларига кўра сўровнома-анкета тўлдириб, сектор ишчи гуруҳига тақдим қилади;

• хонадонбай ўрганишлар ўтказиш орқали “Аёллар дафтари”га киритилган хотин-қизларни қўллаб-қувватлаш ва амалий ёрдам беришда иштирок этади;

• турар-жой учун ижара компенсациясини тўлаб бериш бўйича талабномалар шакллантиради ҳамда секторлар раҳбарлари ва туман (шаҳар) оила ва хотин-қизлар бўлими бошлиғига тақдим этади;

• хотин-қизларни “Аёллар дафтари”дан чиқариш юзасидан таклифларни ишлаб чиқишда иштирок этади;

• секторлар раҳбарлари билан биргаликда “Аёллар дафтари”га киритилган хотин-қизларга бир марталик моддий ёрдам бериш миқдорлари (суммаси) кўрсатилган рўйхатни туман (шаҳар) оила ва хотин-қизлар бўлимига тақдим этади;

• аниқланган муаммоларнинг тегишлилигига кўра, мутасадди идора ва ташкилотларга уларнинг ечими бўйича мурожаат қилади ва айрим тоифадаги муаммоларни ҳал этишда белгиланган тартибда ҳал этиш бўйича манзилли чора-тадбирларни кўради;

• “Аёллар дафтари”га киритилган хотин-қизларнинг индивидуал дастурга киритилган масалалари тўлиқ ҳал этилишини мувофиқлаштириб боради ва аёлларнинг хал этилмаган масалалари бўйича сектор раҳбари ҳамда туман (шаҳар) оила ва хотин-қизлар бўлими бошлиғига таклиф киритади;

• “Аёллар дафтари”га киритилган хотин-қизларнинг индивидуал дастурга киритилган масалалари тўлиқ ҳал этилишини кузатиб боради ва аёлларнинг хал этилмаган масалалари бўйича сектор раҳбари ва туман (шаҳар) оила ва хотин-қизлар бўлими бошлиғига таклиф киритади.

• “Аёллар дафтари”га киритилган хотин-қизларни қўллаб-қувватлаш бўйича ишларни маҳалла даражасида мувофиқлаштиришда иштирок этади;

• анкета-сўровномаларни бошқа ташкилотларнинг маълумотлари билан солиштиришда иштирок этади;

• “Аёллар дафтари”га киритилган хотин-қизларнинг индивидуал дастурлари ва хотин-қизларнинг муаммоларини бартараф этишга қаратилган “Йўл харитаси” лойиҳасини тайёрлашда иштирок этади;

ижтимоий ҳимояга муҳтож ишсиз ва касб-ҳунарга эга бўлмаган ишсиз хотин-қизларни касб-ҳунарга ўқитиш, қайта тайёрлаш ва уларни малакасини ошириш курсларига жалб этиш, зарур ҳолларда, сектор раҳбари хулосаси асосида, бир марталик моддий ёрдам бериш;