Ма кет заголовка

Ijara kelishuvi yoki shartnomasi ijaraning boshlanishi bilan ijara muddatining boshlanishi orasidagi davr ichida ijara ob’ektini qurish yoki sotib olish tannarxidagi o‘zgarishlarni yoki tannarx yohud qiymatning qandaydir boshqa o‘lchovidagi, masalan umumiy narxlar darajasidagi, o‘zgarishlarni yoki ijaraga beruvchining moliyaviy xarajatlaridagi o‘zgarishlarni hisobga olgan holda, ijara to‘lovlarini o‘zgartirish shartini o‘z ichiga olishi mumkin. Bunday holatda, mazkur standart maqsadida bu kabi o‘zgarishlarning oqibatlari ijara boshlanishida mavjud bo‘lgan deb hisoblanishi kerak. Ijaraning ta’rifi ijarachiga kelishilgan shartlar bajarilganidan keyin aktivga egalik qilish huquqini olish imkoniyatini beradigan, aktivni ijaraga berish shartnomalarini qamrab oladi. Bunday shartnomalar ba’zida sotib olish huquqini beradigan ijara shartnomalari nomi bilan ma’lum.

BHXS 17 da ‘haqqoniy qiymat’ atamasidan foydalaniladi, va bu atama ba’zi jihatlari bilan mhxs 13 “haqqoniy qiymatni baholash” dagi haqqoniy qiymatning ta’rifidan farqlanadi. Shuning uchun, BHXS 17 ni qo‘llaganda, tadbirkorlik sub’ekti haqqoniy qiymatni MHXS 13 emas, balki BHXS 17 muvofiq tarzda baholaydi.